14.33C Vancouver 14.33C VancouverAug 16, 2024 5:09 PM - The Canadian Press
ਮਾਂਟਰੀਅਲ ਦੇ ਜੈਕ ਕਾਰਟੀਅਰ ਬ੍ਰਿਜ ਕੋਲ ਅੱਜ ਸਵੇਰ ਪਾਣੀ ਦੀ ਪ੍ਰਮੁੱਖ ਪਾਈਪਲਾਈਨ ਟੁੱਟ ਗਈ, ਇਸ ਨਾਲ ਇਲਾਕੇ ਦੀਆਂ ਸੜਕਾਂ ਜਲਥਲ ਹੋ ਗਈਆਂ ਅਤੇ ਰਸਤੇ ਬੰਦ ਹੋਣ ਕਾਰਨ ਲੋਕਾਂ ਨੂੰ ਆਵਾਜਾਈ ਵਿਚ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।
ਮਾਂਟਰੀਅਲ ਦੇ ਫਾਇਰ ਵਿਭਾਗ ਨੇ ਪਾਈਪ ਲਾਈਨ ਦੇ ਟੁੱਟਣ ਨੂੰ ਗੰਭੀਰ ਸਥਿਤੀ ਕਰਾਰ ਦਿੱਤਾ। ਜਦੋਂ ਸੜਕਾਂ ’ਤੇ ਪਾਣੀ ਬਿਲਕੁਲ ਪੀਕ ’ਤੇ ਸੀ ਤਾਂ ਇਹ ਸੇਂਟ ਲਾਰੈਂਸ ਦਰਿਆ ਵਿਚ ਜਾ ਕੇ ਡਿੱਗ ਰਿਹਾ ਸੀ।
ਮਾਂਟਰੀਅਲ ਦੀ ਮੇਅਰ ਨੇ ਕਿਹਾ ਕਿ ਸਥਿਤੀ ਹੁਣ ਕੰਟਰੋਲ ਵਿਚ ਹੈ ਪਰ ਇਹ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋਈ। ਮੇਅਰ ਨੇ ਲੋਕਾਂ ਨੂੰ ਅੱਜ ਦੇ ਪੂਰੇ ਦਿਨ ਲਈ ਪ੍ਰਭਾਵਿਤ ਇਲਾਕੇ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ। ਉਥੇ ਹੀ ਪਾਈਪ ਦੇ ਫਟਣ ਦਾ ਕਾਰਨ ਪਤਾ ਲਗਾਉਣ ਲਈ ਅਧਿਕਾਰੀ ਕੰਮ ਕਰ ਰਹੇ ਹਨ।
ਮੇਅਰ ਵੈਲੇਰੀ ਪਲੈਨਟੇ ਨੇ ਕਿਹਾ ਕਿ ਹੜ੍ਹ ਦੇ ਖ਼ਤਰੇ ਕਾਰਨ ਇਲਾਕੇ ਦੇ ਕਈ ਘਰ ਖਾਲੀ ਕਰਵਾ ਲਏ ਗਏ ਸਨ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਪਾਣੀ ਦੀ ਧਾਰ ਆਪਣੇ ਪੀਕ ਦੌਰਾਨ 10 ਮੀਟਰ ਤੱਕ ਉੱਚੀ ਸੀ।
