25.95C Vancouver 25.95C VancouverDec 14, 2020 9:17 PM -
ਫੈਡਰਲ ਪ੍ਰੋਕਿਓਰਮੈਂਟ ਮੰਤਰੀ, ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ, ਸਰਕਾਰ ਨੇ 5 ਕਨੇਡੀਅਨ ਕੰਪਨੀਆਂ ਨੂੰ ਹਾਇਰ (ਕਰਾਰ) ਕੀਤਾ ਹੈ।
ਇਹ ਕੰਪਨੀਆਂ ਸੈਂਕੜੇ-ਹਜ਼ਾਰਾਂ ਕਿਲੋਗ੍ਰਾਮ ਡ੍ਰਾਈ ਆਈਸ ਸਪਲਾਈ ਕਰਨਗੀਆਂ, ਜਿਸ ਨਾਲ ਕਿ ਕੋਵਿਡ-19 ਵੈਕਸੀਨ ਨੂੰ ਠੰਡਾ ਰੱਖਣ 'ਚ ਸਹਾਇਤਾ ਮਿਲੇਗੀ।
ਉਨ੍ਹਾਂ ਦੱਸਿਆ ਕਿ ਪ੍ਰੋਵਿੰਸ਼ੀਅਲ ਸਰਕਾਰਾਂ ਡਿਮਾਂਡ ਅਨੁਸਾਰ ਡ੍ਰਾਈ ਐਸ ਆਰਡਰ ਕਰ ਸਕਣਗੀਆਂ।
ਜਿਸ ਨਾਲ ਕਿ ਪੁਖਤਾ ਕੀਤਾ ਜਾ ਸਕੇ ਕਿ ਵੈਕਸੀਨਾਂ ਨੂੰ ਠੰਡੇ ਤਾਪਮਾਨ 'ਤੇ ਰੱਖਿਆ ਜਾਵੇ।
ਮੰਤਰੀ ਅਨੰਦ ਨੇ ਦੱਸਿਆ ਕਿ ਫੈਡਰਲ ਸਰਕਾਰ ਨੇ 400 ਤੋਂ ਵਧੇਰੇ ਫ੍ਰੀਜ਼ਰ ਵੀ ਆਰਡਰ ਕੀਤੇ ਹਨ, ਜੋ ਕਿ ਵੱਖੋ-ਵੱਖਰੇ ਆਕਾਰ ਅਤੇ ਤਾਪਮਾਨ ਦੀ ਕੇਪੇਬਿਲਿਟੀ ਵਾਲੇ ਹਨ।
ਫਾਈਜ਼ਰ ਦੀਆਂ ਕਿੰਨੀਆਂ ਕੋਵਿਡ-19 ਵੈਕਸੀਨ ਕਦੋਂ ਤੱਕ ਕੈਨੇਡਾ ਪਹੁੰਚ ਰਹੀਆਂ ਹਨ, ਇਸ 'ਤੇ ਪ੍ਰੀਕਿਰਿਆ ਜਾਰੀ
ਫੈਡਰਲ ਪ੍ਰੋਕਿਓਰਮੈਂਟ ਮੰਤਰੀ, ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਕੈਨੇਡਾ ਵੱਲੋਂ ਫ਼ਿਲਹਾਲ ਇਹ ਫ਼ਾਈਨਲ ਪ੍ਰੀਕਿਰਿਆ ਜਾਰੀ ਹੈ ਕਿ ਫਾਈਜ਼ਰ ਦੀਆਂ ਕਿੰਨੀਆਂ ਕੋਵਿਡ-19 ਵੈਕਸੀਨ ਕਦੋਂ ਤੱਕ ਕੈਨੇਡਾ ਪਹੁੰਚ ਰਹੀਆਂ ਹਨ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਵੈਕਸੀਨ ਦੀਆਂ 30,000 ਡੋਜ਼ ਪਹੁੰਚਣ ਦਾ ਅਨੁਮਾਨ ਹੈ।
ਇਸ ਤੋਂ ਬਾਅਦ ਅਗਲੇ ਹਫ਼ਤੇ ਇੱਕ ਹੋਰ ਸ਼ਿਪਮੈਂਟ ਪਹੁੰਚ ਰਹੀ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਸਾਲ ਦੇ ਅੰਤ ਤੱਕ ਕਰੀਬ 250,000 ਵੈਕਸੀਨ ਡੋਜ਼ ਪਹੁੰਚ ਰਹੀਆਂ ਹਨ।
ਦਿਸੰਬਰ ਦੇ ਆਖਰੀ ਹਫ਼ਤੇ ਦੌਰਾਨ ਵੈਕਸੀਨ ਦੀ ਵੱਡੀ ਗਿਣਤੀ ਪਹੁੰਚਣ ਦੇ ਆਸਾਰ ਹਨ।
ਅਨੀਤਾ ਅਨੰਦ ਨੇ ਕਿਹਾ ਕਿ ਸਾਰੇ ਦੇਸ਼ ਇਸ ਵੈਕਸੀਨ ਲਈ ਜੱਦੋ-ਜਹਿਦ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਜਲਦੀ ਹੀ ਉਹ ਇਹਨਾਂ ਸ਼ੌਟਸ ਦੇ ਵਧੇਰੇ ਵੇਰਵੇ ਸਾਂਝੇ ਕਰ ਸਕਣਗੇ।
