11.78C Vancouver 11.78C VancouverNov 2, 2020 6:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਅਮਰੀਕਾ 'ਚ ਕੱਲ ਦੀ ਚੋਣ 'ਚ ਕਿਸੇ ਵੀ ਨਤੀਜੇ ਲਈ ਤਿਆਰ ਹਨ।
ਕੈਨੇਡਾ ਦੇ ਅਮਰੀਕਾ 'ਚ ਚੋਣ ਨਤੀਜਿਆਂ 'ਤੇ ਕੀ ਪਲੈਨ ਹਨ, ਇਸ 'ਤੇ ਕਈ ਹਫ਼ਤਿਆਂ ਤੋਂ ਟਰੂਡੋ ਨੇ ਸਪਸ਼ਟ ਬਿਆਨ ਨਹੀਂ ਦਿੱਤੇ ਸਨ।
ਪਰ ਹੁਣ ਉਨ੍ਹਾਂ ਕਿਹਾ ਹੈ ਕਿ ਕੈਨੇਡਾ ਦੇ ਹਿੱਤਾਂ ਅਤੇ ਕਦਰਾਂ-ਕੀਮਤਾਂ ਨੂੰ ਧਿਆਨ 'ਚ ਰੱਖਦਿਆਂ, ਦੇਸ਼ ਦੇ ਸਭ ਤੋਂ ਵੱਡੇ ਟ੍ਰੇਡਿੰਗ ਪਾਰਟਨਰ ਨਾਲ ਅੱਗੇ ਦੀ ਰਣਨੀਤੀ ਘੜੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਚੋਣ ਪ੍ਰਚਾਰ 'ਤੇ ਧਿਆਨ ਜਰੂਰ ਦਿੱਤਾ ਜਾ ਰਿਹਾ ਹੈ ਅਤੇ ਜੋ ਵੀ ਨਤੀਜਾ ਹੋਵੇ, ਉਨ੍ਹਾਂ ਦੀ ਤਰਜੀਹ ਹੋਵੇਗੀ ਕਿ ਕੈਨੇਡਾ ਦੇ ਇੰਟ੍ਰਸਟ ਨੂੰ ਮੁੱਖ ਰੱਖਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਡੌਨਲਡ ਟ੍ਰੰਪ ਅਤੇ ਜੋ ਬਾਈਡਨ ਵੱਲੋਂ ਪੇਸ਼ ਕੀਤੇ ਗਏ ਪ੍ਰਪੋਜ਼ਲਾਂ 'ਤੇ ਵੀ ਸਰਕਾਰ ਧਿਆਨ ਦੇ ਰਹੀ ਹੈ।
ਅਮਰੀਕਾ 'ਚ ਕੱਲ ਰਾਸ਼ਟਰਪਤੀ ਚੋਣ ਹੋਣ ਜਾ ਰਹੇ ਹਨ, ਅਤੇ ਰਿਕਾਰਡ ਗਿਣਤੀ 'ਚ ਵੋਟਰਾਂ ਨੇ ਐਡਵਾਂਸ ਪੋਲਸ ਜ਼ਰੀਏ ਵੋਟਿੰਗ ਕਰ ਦਿੱਤੀ ਹੈ।
ਅੱਜ ਟ੍ਰੰਪ ਅਤੇ ਜੋ ਬਾਈਡਨ ਵੱਲੋਂ ਚੋਣਾਂ ਤੋਂ ਪਹਿਲਾਂ, ਆਖਰੀ ਦਿਨ ਚੋਣ ਪ੍ਰਚਾਰ ਜਾਰੀ ਹਨ।
