26.08C Vancouver 26.08C VancouverJun 9, 2025 7:52 PM - The Canadian Press
ਕੈਨੇਡਾ ਸਰਕਾਰ ਵਲੋਂ ਨਵੇਂ ਘਰਾਂ 'ਤੇ ਸੇਲ ਟੈਕਸ ਵਿਚ ਪ੍ਰਸਤਾਵਿਤ ਛੋਟ ਦੇ ਨਾਲ ਪਹਿਲੀ ਵਾਰ ਘਰ ਖਰੀਦ ਰਹੇ ਕੈਨੇਡੀਅਨਾਂ ਨੂੰ ਉਨ੍ਹਾਂ ਦੀ ਮਹੀਨਾਵਾਰ ਮੌਰਗੇਜ ਭੁਗਤਾਨ ਵਿਚ $240 ਤੱਕ ਦੀ ਬਚਤ ਹੋ ਸਕਦੀ ਹੈ। ਡੇਸਜਾਰਡਿਨਜ਼ ਇਕਨਾਮਿਕਸ ਨੇ ਆਪਣੀ ਨਵੀਂ ਰਿਪੋਰਟ ਵਿਚ ਕਿਹਾ ਕਿ ਟੋਰੌਂਟੋ ਅਤੇ ਵੈਨਕੂਵਰ ਵਰਗੇ ਕੈਨੇਡਾ ਦੇ ਮਹਿੰਗੇ ਬਾਜ਼ਾਰਾਂ ਵਿਚ ਖਰੀਦਦਾਰਾਂ ਲਈ ਹਾਊਸਿੰਗ ਦੀ ਸਮਰੱਥਾ 'ਤੇ ਇਸ ਦਾ ਵਿਸ਼ੇਸ਼ ਰੂਪ ਤੋਂ ਚੰਗਾ ਪ੍ਰਭਾਵ ਪਵੇਗਾ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਨੇ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਲਈ $1 ਮਿਲੀਅਨ ਤੱਕ ਦੇ ਘਰਾਂ 'ਤੇ ਜੀਐੱਸਟੀ ਵਿਚ ਛੋਟ ਦੇਣ ਲਈ ਬਿੱਲ ਪੇਸ਼ ਕੀਤਾ ਹੈ। ਡੇਸਜਾਰਡਿਨਜ਼ ਦਾ ਹਾਲਾਂਕਿ, ਕਹਿਣਾ ਹੈ ਕਿ ਇਹ ਪ੍ਰਸਤਾਵਿਤ ਛੋਟ ਘਰਾਂ ਦੀ ਮੰਗ ਨੂੰ ਵਧਾ ਸਕਦੀ ਹੈ, ਜਿਸ ਨਾਲ ਨੇੜਲੇ ਭਵਿੱਖ ਵਿਚ ਘਰਾਂ ਦੀਆਂ ਕੀਮਤਾਂ ਵੀ ਵੱਧ ਸਕਦੀਆਂ ਹਨ ਜੇ ਨਾਲ ਹੀ ਸਪਲਾਈ ਵਧਾਉਣ ਦੇ ਯਤਨ ਨਾ ਕੀਤੇ ਗਏ।
ਸੰਸਦ ਨੇ ਅਜੇ ਤੱਕ ਇਹ ਕਾਨੂੰਨ ਪਾਸ ਨਹੀਂ ਕੀਤਾ ਹੈ। ਲਿਬਰਲਸ ਨੇ ਇਸ ਨੂੰ 1 ਜੁਲਾਈ ਤੋਂ ਇਨਕਮ ਟੈਕਸ ਵਿਚ ਕਟੌਤੀ ਦੇ ਨਾਲ ਹੀ ਲਾਗੂ ਕਰਨ ਦੇ ਇਰਾਦੇ ਨਾਲ ਪੇਸ਼ ਕੀਤਾ ਸੀ।
