13.83C Vancouver 13.83C VancouverJul 31, 2024 6:17 PM - Connect Newsroom
ਪੰਜਾਬ ਦੇ ਨਵੇਂ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੇ ਬੁੱਧਵਾਰ ਨੂੰ ਸੂਬੇ ਦੇ 37ਵੇਂ ਰਾਜਪਾਲ ਵਜੋਂ ਸਹੁੰ ਚੁੱਕੀ। ਇਸ ਮੌਕੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਉਨ੍ਹਾਂ ਨੂੰ ਜੱਫੀ ਪਾ ਕੇ ਵਧਾਈ ਦਿੱਤੀ। ਇਹ ਸੁਹਿਰਦ ਮਾਹੌਲ ਮਾਨ ਅਤੇ ਸਾਬਕਾ ਰਾਜਪਾਲ ਬਨਵਾਰੀ ਲਾਲ ਪੁਰੋਹਿਤ ਵਿਚਕਾਰ ਦੋ ਸਾਲ ਦੇ ਤਣਾਅ ਤੋਂ ਬਾਅਦ ਦੇਖਣ ਨੂੰ ਮਿਲਿਆ।
ਭਗਵੰਤ ਮਾਨ ਮੰਗਲਵਾਰ ਪੁਰੋਹਿਤ ਦੇ ਵਿਦਾਈ ਸਮਾਰੋਹ ਵਿਚ ਸ਼ਾਮਲ ਨਹੀਂ ਹੋਏ ਸਨ, ਜਦੋਂ ਕਿ ਨਵੇਂ ਰਾਜਪਾਲ ਦੇ ਸਮਾਰੋਹ ਵਿਚ ਉਹ ਆਪਣੀ ਪਤਨੀ ਡਾ. ਗੁਰਪ੍ਰੀਤ ਕੌਰ ਨਾਲ ਮੂਹਰਲੀ ਕਤਾਰ ਵਿਚ ਬਿਰਾਜਮਾਨ ਸਨ।
ਸੂਤਰਾਂ ਮੁਤਾਬਕ, ਮੁੱਖ ਮੰਤਰੀ ਨੇ ਰਾਜ ਭਵਨ ਵਿਚ ਰਾਜਪਾਲ ਨਾਲ 5-10 ਮਿੰਟ ਦੀ ਸੰਖੇਪ ਮੀਟਿੰਗ ਕੀਤੀ ਅਤੇ ਇਕੱਠੇ ਨਾਸ਼ਤਾ ਵੀ ਕੀਤਾ।
ਸੀਐੱਮ ਮਾਨ ਨੇ ਬਿਆਨ ਵਿਚ ਕਿਹਾ ਕਿ ਕਟਾਰੀਆ ਜੀ ਰਾਜਸਥਾਨ ਵਿਚ 8 ਵਾਰ ਵਿਧਾਇਕ ਅਤੇ ਮੰਤਰੀ ਰਹੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ ਲੰਮਾ ਤਜਰਬਾ ਹੈ ਅਤੇ ਅਸੀਂ ਮਿਲ ਕੇ ਕੰਮ ਕਰਾਂਗੇ।
