16.85C Vancouver 16.85C VancouverMay 24, 2024 3:03 PM - The Canadian Press
ਵੈਨਕੂਵਰ ਦੇ ਰਿਟੇਲਰ ਲੰਡਨ ਡਰੱਗਜ਼ ਦਾ ਡਾਟਾ ਚੋਰੀ ਕਰਨ ਵਾਲੇ ਹੈਕਰਾਂ ਵਲੋਂ ਕੁਝ ਡਾਟਾ ਰਿਲੀਜ਼ ਕੀਤਾ ਗਿਆ ਹੈ। ਲੰਡਨ ਡਰੱਗਜ਼ ਨੇ ਇਸ ਦੀ ਪੁਸ਼ਟੀ ਕਰਦੇ ਦੱਸਿਆ ਹੈ ਕਿ ਪਿਛਲੇ ਮਹੀਨੇ ਇਸ ਦੇ ਕਾਰਪੋਰੇਟ ਮੁੱਖ ਦਫ਼ਤਰ ਤੋਂ ਫਾਈਲਾਂ ਚੋਰੀ ਕਰਨ ਵਾਲੇ ਸਾਈਬਰ ਅਪਰਾਧੀਆਂ ਨੇ ਫਿਰੌਤੀ ਦੇਣ ਤੋਂ ਇਨਕਾਰ ਕਰਨ ਤੋਂ ਬਾਅਦ ਕੁਝ ਅੰਕੜੇ ਜਾਰੀ ਕੀਤੇ ਹਨ।
ਕੰਪਨੀ ਨੇ ਇਸ ਨੂੰ ਇਕ ਗੰਭੀਰ ਪਰੇਸ਼ਾਨੀ ਵਾਲੀ ਸਥਿਤੀ ਦੱਸਦੇ ਹੋਏ ਕਿਹਾ ਹੈ ਕਿ ਇਨ੍ਹਾਂ ਫਾਇਲਾਂ ਵਿਚ ਕੁਝ ਕਰਮਚਾਰੀਆਂ ਦੀ ਜਾਣਕਾਰੀ ਹੋ ਸਕਦੀ ਹੈ। ਲੰਡਨ ਡਰੱਗਜ਼, ਐਂਟੀ ਵਾਇਰਸ ਸਾਫ਼ਟਵੇਅਰ ਕੰਪਨੀ ਐਮਸੀਸੋਫਟ ਦੇ ਧਮਕੀ ਵਿਸ਼ਲੇਸ਼ਕ ਬ੍ਰੇਟ ਕੈਲੋ ਦੀ ਇਕ ਸੋਸ਼ਲ ਮੀਡੀਆ ਪੋਸਟ ਦਾ ਜਵਾਬ ਦੇ ਰਹੀ ਸੀ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਇਹ ਡਾਟਾ ਕਥਿਤ ਹੈਕਿੰਗ ਗਰੁੱਪ ਲੌਕਬਿੱਟ ਵਲੋਂ ਜਾਰੀ ਕੀਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਬਿ੍ਰਟਿਸ਼ ਅਧਿਕਾਰੀਆਂ ਨੇ ਲੌਕਬਿੱਟ ਨੂੰ ਦੁਨੀਆ ਦਾ ਸਭ ਤੋਂ ਖਤਰਨਾਕ ਸਾਈਬਰ ਕ੍ਰਾਈਮ ਗਰੁੱਪ ਦੱਸਿਆ ਹੈ। ਕੈਲੋ ਦਾ ਕਹਿਣਾ ਹੈ ਕਿ ਵੀਰਵਾਰ ਨੂੰ ਲੌਕਬਿੱਟ ਨੇ ਲਗਭਗ 300 ਗੀਗਾਬਾਈਟ ਡਾਟਾ ਰਿਲੀਜ਼ ਕੀਤਾ ਹੈ ਜੋ ਇਕ ਬਹੁਤ ਵੱਡੀ ਜਾਣਕਾਰੀ ਬਣਦੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਮਹੀਨੇ ਲੰਡਨ ਡਰੱਗਜ਼ ’ਤੇ ਹੋਏ ਇਸ ਸਾਈਬਰ ਹਮਲੇ ਕਾਰਨ ਕੰਪਨੀ ਨੂੰ ਪੱਛਮੀ ਕੈਨੇਡਾ ਵਿਚ ਆਪਣੇ ਸਾਰੇ ਸਟੋਰ ਬੰਦ ਕਰਨੇ ਪਏ ਸਨ।
