29.25C Vancouver 29.25C VancouverApr 10, 2020 1:43 AM -
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਉਨ੍ਹਾਂ ਦੀ ਸਰਕਾਰ, ਫਰੰਟਲਾਈਨ 'ਤੇ ਡਟੇ ਮੈਡੀਕਲ ਸਟਾਫ ਨੂੰ ਦੁੱਗਣੀ ਤਨਖਾਹ ਦਵੇਗੀ।
ਕੋਵਿਡ-19 ਦੇ ਸੰਕਟ ਨਾਲ ਨਜਿੱਠਣ ਲਈ ਡਟੇ ਮੈਡੀਕਲ ਸਟਾਫ ਲਈ ਇਹ ਐਲਾਨ ਕੀਤਾ ਗਿਆ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ, 'ਜਦ ਤਕ ਕੋਵਿਡ-19 ਪੈਂਡੇਮਿਕ ਜਾਰੀ ਰਹਿੰਦਾ ਹੈ, ਉਸ ਵੇਲੇ ਤਕ ਜਿਹੜਾ ਵੀ ਸਟਾਫ, ਮਰੀਜਾਂ ਦੇ ਟਰੀਟਮੈਂਟ ਅਤੇ ਟੈਸਟਿੰਗ ਲਈ ਕੰਮ ਕਰ ਰਿਹਾ ਹੈ, ਉਨ੍ਹਾਂ ਨੂੰ ਦੁੱਗਣੀ ਤਨਖਾਹ ਦਿੱਤੀ ਜਾਵੇਗੀ।'
ਇਸਤੋਂ ਅਲਾਵਾ ਸੂਬਾ ਸਰਕਾਰ ਨੇ ਫੈਸਲਾ ਕੀਤਾ ਹੈ ਕਿ ਜੇਕਰ ਇਸ ਸੰਕਟ ਨਾਲ ਨਜਿੱਠਣ 'ਚ ਯੋਗਦਾਨ ਪਾ ਰਹੇ, ਕਿਸੇ ਪੁਲਿਸ ਮੁਲਾਜਮ ਦੀ ਜਾਨ ਜਾਂਦੀ ਹੈ, ਤਾਂ ਉਨ੍ਹਾਂ ਲਈ 30 ਲੱਖ ਰੁਪਏ ਕਵਰ ਦੇ ਤੌਰ 'ਤੇ ਰੱਖੇ ਗਏ ਹਨ।
ਯਾਦ ਰਹੇ ਇਸਤੋਂ ਪਹਿਲਾਂ ਪੰਜਾਬ ਸਰਕਾਰ ਨੇ ਆਪਣੇ ਫਰੰਟਲਾਈਨ ਕਾਮਿਆਂ ਅਤੇ ਪੁਲਿਸ ਮੁਲਾਜਮਾਂ ਲਈ ਹੈਲਥ ਇਨਸ਼ੋਰੈਂਸ ਕਵਰ ਦੇ ਤੌਰ 'ਤੇ 50 ਲੱਖ ਰੁਪਏ ਦੀ ਰਾਸ਼ੀ ਦਾ ਐਲਾਨ ਕੀਤਾ ਸੀ।
ਹਰਿਆਣਾ 'ਚ ਹੁਣ ਤਕ ਕੋਰੋਨਾ ਵਾਇਰਸ ਦੇ 169 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਭਾਰਤ 'ਚ ਵਾਇਰਸ ਸੰਬੰਧੀ ਕੁੱਲ ਮਾਮਲੇ 5,865 ਤਕ ਪਹੁੰਚ ਗਏ ਹਨ।
