10.73C Vancouver 10.73C VancouverMay 1, 2020 2:41 AM -
ਹਿੰਦੀ ਫਿਲਮ ਜਗਤ ਦੇ ਨਾਮੀ ਕਲਾਕਾਰ ਧਰਮਿੰਦਰ ਨੇ ਰਿਸ਼ੀ ਕਪੂਰ ਨੂੰ ਯਾਦ ਕੀਤਾ ਹੈ।
ਆਪਣੇ 'ਨਸੀਬ' ਫਿਲਮ ਦੇ ਸਹਿ-ਕਲਾਕਾਰ ਰਿਸ਼ੀ ਕਪੂਰ ਨਾਲ ਇੱਕ ਤਸਵੀਰ ਸਾਂਝੀ ਕਰਦੇ ਹੋਏ ਧਰਮਿੰਦਰ ਨੇ ਦੁਖ ਦਾ ਪ੍ਰਗਟਾਵਾ ਕੀਤਾ।
ਤਸਵੀਰ ਦੇ ਵਿੱਚ ਰਿਸ਼ੀ ਕਪੂਰ ਧਰਮਿੰਦਰ ਦੇ ਪੈਰਾਂ ਵੱਲ ਨੂੰ ਝੁਕਦੇ ਵਿਖਾਈ ਦਿੰਦੇ ਹਨ, ਜਦਕਿ ਧਰਮਿੰਦਰ ਉਨ੍ਹਾਂ ਦੇ ਮੋਢੇ ਫੜ੍ਹਕੇ ਖੜੇ ਹਨ।
ਦੋਨੇ ਮੁਸਕੁਰਾਉਂਦੇ ਹੋਏ ਵਿਖਾਈ ਦਿੰਦੇ ਹਨ। ਇਸਦੇ ਬਾਰੇ ਲਿਖਦੇ ਹੋਏ ਧਰਮਿੰਦਰ ਨੇ ਕਿਹਾ ਕਿ ਦੋ ਦਿਨ ਵਿਚਾਲੇ ਇਰਫਾਨ ਅਤੇ ਰਿਸ਼ੀ ਜਿਹੇ ਅਦਾਕਾਰਾਂ ਦੇ ਦੇਹਾਂਤ ਤੋਂ ਓਹ ਹੈਰਾਨ ਹਨ।
ਉਨ੍ਹਾਂ ਇੱਕ ਟਵੀਟ 'ਚ ਲਿਖਿਆ, "ਉਸਨੇ ਕੈਂਸਰ ਦੇ ਨਾਲ ਬਹਾਦਰੀ ਨਾਲ ਲੜਾਈ ਕੀਤੀ। ਓਹ ਮੇਰੇ ਬੇਟੇ ਜਿਹਾ ਸੀ।
ਮੈਂ ਬੇਹਦ ਨਿਰਾਸ਼ ਅਤੇ ਟੁੱਟਿਆ ਮਹਿਸੂਸ ਕਰ ਰਿਹਾ ਹਾਂ।
ਪਰਿਵਾਰ ਦੇ ਲਈ ਅਰਦਾਸ ਕਰਦਾ ਹਾਂ।"
ਧਰਮਿੰਦਰ ਅਤੇ ਰਿਸ਼ੀ ਕਪੂਰ ਨੇ ਇਕੱਠਿਆਂ ਕਈ ਫਿਲਮਾਂ ਕੀਤੀਆਂ ਸਨ, ਜਿਸਦੇ ਵਿਚ 'ਸਿਤਮਗਰ', 'ਕਾਤਿਲੋਂ ਕੇ ਕਾਤਿਲ', 'ਸ਼ੇਰਦਿਲ' ਅਤੇ 'ਹਥਿਆਰ' ਜੇਹੀਆਂ ਫਿਲਮਾਂ ਸ਼ਾਮਿਲ ਹਨ।
ਰਿਸ਼ੀ ਕਪੂਰ 67 ਸਾਲ ਦੇ ਸਨ।
ਉਨ੍ਹਾਂ ਨੂੰ ਬੁੱਧਵਾਰ ਦੇ ਦਿਨ ਮੁੰਬਈ ਦੇ ਸਰ ਐਚ.ਐਨ. ਰਿਲਾਇੰਸ ਫਾਊਂਡੇਸ਼ਨ ਹਸਪਤਾਲ 'ਚ ਦਾਖਿਲ ਕਰਵਾਇਆ ਗਿਆ ਸੀ।
ਰਿਸ਼ੀ ਕਪੂਰ ਨੂੰ ਆਖਰੀ ਵਾਰ ਫਿਲਮੀ ਪਰਦੇ 'ਤੇ ਇਮਰਾਨ ਹਾਸ਼ਮੀ ਦੇ ਨਾਲ ਹਿੰਦੀ ਫਿਲਮ 'ਦ ਬੌਡੀ' ਵਿਚ ਵੇਖਿਆ ਗਿਆ ਸੀ।
ਰਿਸ਼ੀ ਕਪੂਰ ਨੇ ਆਪਣੇ ਫਿਲਮੀ ਕਰੀਅਰ ਦੌਰਾਨ 'ਬੌਬੀ', 'ਚਾਂਦਨੀ', 'ਕਰਜ਼' ਅਤੇ ਕਈ ਹੋਰ ਯਾਦਗਾਰ ਫਿਲਮਾਂ ਦਿੱਤੀਆਂ।
