16.79C Vancouver 16.79C VancouverFeb 8, 2021 4:41 PM -
ਕੈਨੇਡਾ ਵਿੱਚ ਕੋਵਿਡ -19 ਦੇ ਵੈਕਸੀਨ ਦੀ ਵੰਡ ਵਿੱਚ ਆਈ ਗਿਰਾਵਟ ਹੁਣ ਦੂਰ ਹੁੰਦੀ ਨਜ਼ਰ ਆ ਰਹੀ ਹੈ।
ਪਬਲਿਕ ਹੈਲਥ ਏਜੰਸੀ ਆਫ ਕੈਨੇਡਾ ਮੁਤਾਬਕ ਫੈਡਰਲ ਸਰਕਾਰ ਦੀ ਇਸ ਹਫ਼ਤੇ ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਦੀਆਂ 70,000 ਤੋਂ ਵੱਧ ਖੁਰਾਕਾਂ ਵੰਡਣ ਦੀ ਯੋਜਨਾ ਹੈ।
ਅੱਜ ਤੋਂ ਸ਼ੁਰੂ ਹੋਕੇ ਫਾਈਜ਼ਰ ਦੀਆਂ 70,200 ਖੁਰਾਕਾਂ ਡਿਲਵਰ ਕਰਨ ਦਾ ਅਨੁਮਾਨ ਹੈ।
ਇਸ ਤੋਂ ਇਲਾਵਾ ਤਕਰੀਬਨ 3,35,000 ਖ਼ੁਰਾਕਾਂ ਅਗਲੇ ਹਫਤੇ ਮੁਹੱਈਆ ਕਰਵਾਈਆਂ ਜਾਣਗੀਆਂ ਜੋ ਕਿ ਕੈਨੇਡਾ ਵਿੱਚ ਇੱਕ ਸਮੇਂ ਵਿੱਚ ਹੋਣ ਵਾਲੀ ਸਭ ਤੋਂ ਵੱਡੀ ਡਿਲਵਰੀ ਹੋਵੇਗੀ।
ਯਾਦ ਰਹੇ ਕਿ ਫਾਈਜ਼ਰ ਵੱਲੋਂ ਪਹਿਲਾਂ ਇਸ ਮਹੀਨੇ 3,66,000 ਖੁਰਾਕਾਂ ਪ੍ਰਤੀ ਹਫ਼ਤਾ ਮੁਹੱਈਆ ਕਰਵਾਉਣ ਦਾ ਕਰਾਰ ਸੀ।
ਮੋਡਰਨਾ ਦੇ ਟੀਕਿਆਂ ਦੀ ਡਿਲਵਰੀ ਦੀ ਆਉਣ ਵਾਲੇ ਦਿਨਾਂ ਵਿਚ ਫਿਲਹਾਲ ਕੋਈ ਯੋਜਨਾ ਨਹੀਂ ਹੈ।
ਹੈਲਥ ਕੈਨੇਡਾ ਵਲੋਂ ਫਿਲਹਾਲ ਸਿਰਫ ਫਾਈਜ਼ਰ ਅਤੇ ਮੋਡਰਨਾ ਦੇ ਟੀਕਿਆਂ ਨੂੰ ਹੀ ਮਨਜ਼ੂਰੀ ਦਿੱਤੀ ਗਈ ਹੈ।
ਐਸਟ੍ਰਾਜ਼ੇਨੇਕਾ, ਨੋਵਾਵੈਕਸ ਅਤੇ ਜੌਹਨਸਨ ਐਂਡ ਜੌਹਨਸਨ ਵਲੋਂ ਤਿਆਰ ਕੀਤੇ ਟੀਕਿਆਂ ਦੀ ਪੜਚੋਲ ਜਾਰੀ ਹੈ।
