ਹੈਲਥ ਕੈਨੇਡਾ ਨੇ ਡਾਇਬੀਟੀਜ਼ ਵਾਲੇ ਲੋਕਾਂ 'ਚ ਗੁਰਦੇ ਦੀ ਖਰਾਬੀ ਨੂੰ ਘਟਾਉਣ ਲਈ ਓਜ਼ੈਂਪਿਕ ਦਵਾਈ ਨੂੰ ਦਿੱਤੀ ਮਨਜ਼ੂਰੀ

ਕੈਨੇਡਾ ਵਿਚ ਸ਼ੂਗਰ ਦੇ ਮਰੀਜ਼ਾਂ ਵਿਚ ਕਿਡਨੀ ਦੇ ਹੋਰ ਨੁਕਸਾਨ ਦੇ ਜੋਖਮ ਨੂੰ ਘਟਾਉਣ ਲਈ ਓਜ਼ੈਂਪਿਕ ਦਵਾਈ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।ਹੈਲਥ ਕੈਨੇਡਾ ਨੇ ਟਾਈਪ 2 ਡਾਇਬਟੀਜ਼ ਵਾਲੇ ਮਰੀਜ਼ਾਂ ਲਈ ਇਸ ਦੀ ਪ੍ਰਵਾਨਗੀ ਦਿੱਤੀ ਹੈ। ਟਾਈਪ 2 ਡਾਇਬਟੀਜ਼ ਵਾਲੇ 30 ਤੋਂ 50 ਫੀਸਦੀ ਲੋਕਾਂ ਵਿਚ ਕਿਸੇ ਨਾ ਕਿਸੇ ਰੂਪ ਵਿਚ ਕਿਡਨੀ ਦੀ ਬਿਮਾਰੀ ਵਿਕਸਤ ਹੋ ਜਾਂਦੀ ਹੈ।

ਓਜ਼ੈਂਪਿਕ semaglutide ਦੀ ਇੱਕ ਇੰਜੈਕਟੇਬਲ ਖੁਰਾਕ ਦਾ ਬ੍ਰੈਂਡ ਨੇਮ ਹੈ। ਓਜ਼ੈਂਪਿਕ ਨੂੰ ਸਭ ਤੋਂ ਪਹਿਲਾਂ ਕੈਨੇਡਾ ਵਿਚ ਸ਼ੂਗਰ ਦੀ ਦਵਾਈ ਵਜੋਂ ਮਨਜ਼ੂਰੀ ਦਿੱਤੀ ਗਈ ਸੀ ਕਿਉਂਕਿ ਇਹ ਬਲੱਡ ਸ਼ੂਗਰ ਨੂੰ ਘਟਾਉਂਦੀ ਹੈ।

ਇੱਕ ਈਮੇਲ ਵਿਚ ਹੈਲਥ ਕੈਨੇਡਾ ਨੇ ਕੈਨੇਡੀਅਨ ਪ੍ਰੈੱਸ ਨੂੰ ਪੁਸ਼ਟੀ ਕੀਤੀ ਕਿ 13 ਅਗਸਤ ਨੂੰ ਉਸ ਨੇ ਓਜ਼ੈਂਪਿਕ ਨੂੰ ਟਾਈਪ 2 ਡਾਇਬਟੀਜ਼ ਮਰੀਜ਼ਾਂ ਵਿਚ ਕਿਡਨੀ ਦੀ ਬਿਮਾਰੀ ਦੇ ਜੋਖਮ ਨੂੰ ਘਟਾਉਣ ਲਈ ਮਨਜ਼ੂਰੀ ਦਿੱਤੀ ਹੈ।