9.72C Vancouver 9.72C VancouverOct 2, 2020 10:22 PM -
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਵਿਡ-19 ਦੀ ਪਹਿਲੀ ਸੰਭਵ ਵੈਕਸੀਨ ਸੰਬੰਧੀ ਰੀਵਿਊ ਸ਼ੁਰੂ ਕਰ ਦਿੱਤੇ ਹਨ।
ਅਜੈਂਸੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਵੈਕਸੀਨ ਕੈਂਡੀਡੇਟ ਨੂੰ ਇਵੈਲੂਏਟ ਕੀਤਾ ਜਾ ਰਿਹਾ ਹੈ, ਜਿਸ 'ਤੇ ਐਸਟ੍ਰਾਜ਼ੈਨੇਕਾ ਕੰਪਨੀ ਅਤੇ ਯੂਨੀਵਰਸਿਟੀ ਆਫ ਆਕਸਫਰਡ ਕੰਮ ਕਰ ਰਹੀ ਹੈ।
ਇਸ ਸੰਭਵ ਵੈਕਸੀਨ ਸੰਬੰਧੀ "ਰੋਲਿੰਗ ਰੀਵਿਊ" ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ, ਜਿਸ 'ਚ ਹੈਲਥ ਕੈਨੇਡਾ ਵੱਲੋਂ ਡਾਟਾ ਇਕੱਠਾ ਕੀਤਾ ਜਾਂਦਾ ਹੈ, ਅਤੇ ਕੰਪਨੀ ਦੇ ਟ੍ਰਾਇਲ ਦੇ ਨਤੀਜੇ ਜਿਵੇ-ਜਿਵੇਂ ਆਉਂਦੇ ਜਾਂਦੇ ਹਨ, ਉਸ ਦਾ ਰੀਵਿਊ ਹੁੰਦਾ ਹੈ।
ਸਭ ਕੁਝ ਪੂਰਾ ਹੋ ਜਾਣ ਦੀ ਪ੍ਰੀਕਿਰਿਆ ਦੀ ਉਡੀਕ ਨਹੀਂ ਕੀਤੀ ਜਾਂਦੀ।
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ 'ਰੋਲਿੰਗ ਰੀਵਿਊ" ਨੂੰ ਸ਼ੁਰੂ ਕਰਨਾ, ਵੈਕਸੀਨ ਦੀ ਮਨਜ਼ੂਰੀ ਦੇ ਰਸਤੇ 'ਤੇ ਪਹਿਲਾ ਕਦਮ ਹੈ।
ਯਾਦ ਰਹੇ ਫੈਡਰਲ ਸਰਕਾਰ ਨੇ ਇਸ ਵੈਕਸੀਨ ਦੇ 20 ਮਿਲੀਅਨ ਡੋਜ਼ ਦਾ ਐਡਵਾਂਸ ਆਰਡਰ ਦਿੱਤਾ ਹੋਇਆ ਹੈ।
ਹਾਲਾਂਕਿ ਇਸ ਵੈਕਸੀਨ ਨੂੰ ਸੁਰੱਖਿਅਤ ਅਤੇ ਅਸਰਦਾਰ ਸਾਬਿਤ ਹੋਣ 'ਤੇ ਹੀ ਇਸ ਦੀ ਉਪਲੱਭਦਤਾ ਨਿਰਭਰ ਕਰੇਗੀ।
