16.48C Vancouver 16.48C VancouverOct 1, 2020 12:33 AM -
ਹੈਲਥ ਕੈਨੇਡਾ ਨੇ ਅੱਜ ਦੇਸ਼ 'ਚ ਕੋਵਿਡ-19 ਸੰਬੰਧੀ ਰੈਪਿਡ ਟੈਸਟਸ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਡਿਪਾਰਟਮੈਂਟ ਵੱਲੋਂ ਇਸ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਗਈ ਕਿ ਐਬੌਟ ਡਾਇਗਨੌਸਟਿਕਸ ਦੇ ਪਹਿਲੇ ਟੈਸਟ ਨੂੰ ਹਰੀ ਬੱਤੀ ਵਿਖਾਈ ਗਈ ਹੈ।
ਐਬੌਟ ਡਾਇਗਨੌਸਟਿਕਸ ਆਈ.ਡੀ. ਨਾਓ ਵੱਲੋਂ ਅਮਰੀਕਾ 'ਚ ਕਈ ਮਹੀਨਿਆਂ ਤੋਂ ਟੈਸਟ ਕੀਤੇ ਜਾ ਰਹੇ ਹਨ।
ਇਸ ਦੇ ਨਤੀਜੇ 13 ਮਿੰਟਾਂ 'ਚ ਆਉਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਹੈਲਥ ਕੈਨੇਡਾ ਦੀ ਮਨਜ਼ੂਰੀ ਉਸ ਵੇਲੇ ਆਈ ਹੈ, ਜਦ ਇੱਕ ਦਿਨ ਪਹਿਲਾਂ ਫੈਡਰਲ ਸਰਕਾਰ ਨੇ ਐਬੌਟ ਦੇ ਨਾਲ 7.9 ਮਿਲੀਅਨ ਟੈਸਟ ਕਿਟਸ ਖਰੀਦਣ ਦਾ ਕਰਾਰ ਕੀਤਾ ਸੀ।
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਰੇਪਿਡ ਟੈਸਟਸ ਸੰਬੰਧੀ ਹੈਲਥ ਕੈਨੇਡਾ 'ਤੇ ਮਨਜ਼ੂਰੀ ਦੇਣ ਦਾ ਦਬਾਅ ਬਣਾਉਣਾ ਸਹੀ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਰੈਪਿਡ ਟੈਸਟ ਨੂੰ ਮਨਜ਼ੂਰੀ ਦੇਣ ਲਈ ਜੇਕਰ ਸਮਾਂ ਲੱਗ ਰਿਹਾ ਹੈ, ਤਾਂ ਅਜਿਹੀ ਪ੍ਰੀਕਿਰਿਆ ਨੂੰ ਮਾਹਿਰਾਂ ਦੀ ਜਾਂਚ ਤੋਂ ਬਾਅਦ ਹੀ ਮਨਜ਼ੂਰੀ ਮਿਲਣੀ ਚਾਹੀਦੀ ਹੈ।
