25.95C Vancouver 25.95C VancouverDec 14, 2020 11:28 PM -
ਟੋਰੌਂਟੋ 'ਚ 5 ਹੈਲਥ ਕੇਅਰ ਵਰਕਰਾਂ ਨੂੰ ਕੈਨੇਡਾ ਦੇ ਪਹਿਲੇ ਕੋਵਿਡ-19 ਵੈਕਸੀਨ ਸ਼ੌਟ ਲਗਾਏ ਗਏ ਹਨ।
ਅਨੀਤਾ ਕਿਨਡੈਂਗਨ, ਯੂਨੀਵਰਸਿਟੀ ਹੈਲਥ ਨੈਟਵਰਕ ਨਾਲ ਸੱਪੋਰਟ ਵਰਕਰ ਹਨ।
ਉਨ੍ਹਾਂ ਨੂੰ ਔਂਟੈਰੀਓ ਸੂਬੇ 'ਚ ਇਸ ਵੈਕਸੀਨ ਦਾ ਪਹਿਲਾ ਸ਼ੌਟ ਲਗਾਇਆ ਗਿਆ।
ਸ਼ੌਟ ਲਗਾਏ ਜਾਣ ਤੋਂ ਬਾਅਦ ਉਨ੍ਹਾਂ ਕਿਹਾ ਕਿ ਉਹ ਬੇਹੱਦ ਉਤਸ਼ਾਹਿਤ ਹਨ।
ਉਨ੍ਹਾਂ ਦੇ ਠੀਕ ਬਾਅਦ ਇੱਕ ਸਾਥੀ ਵਰਕਰ ਡੈਰੇਕ ਥਾਂਪਸਨ ਨੂੰ ਵੈਕਸੀਨੇਟ ਕੀਤਾ ਗਿਆ।
ਥਾਂਪਸਨ ਦਾ ਕਹਿਣਾ ਸੀ ਕਿ ਸ਼ੌਟਸ ਦੇ ਨਾਲ ਸੂਬੇ ਦੇ ਹੈਲਥ ਕੇਅਰ ਵਰਕਰਾਂ ਲਈ ਇੱਕ ਨਵੀਂ ਆਸ ਬੱਝੀ ਹੈ।
ਇਸ ਤੋਂ ਪਹਿਲਾਂ ਕਿਊਬੈਕ ਸਿਟੀ 'ਚ ਜਿਸੈਲ ਲਵੈਸਕ ਪਹਿਲੀ ਕੈਨੇਡਾ ਵਾਸੀ ਹਨ, ਜਿੰਨਾ ਨੂੰ ਅੱਜ ਕੋਵਿਡ-19 ਵੈਕਸੀਨ ਸ਼ੌਟ ਲਗਾਇਆ ਗਿਆ ਹੈ।
ਉਨ੍ਹਾਂ ਦੀ ਉਮਰ 89 ਸਾਲ ਹੈ।
ਇਸ ਵੈਕਸੀਨੇਸ਼ਨ ਤੋਂ ਬਾਅਦ ਫੈਡਰਲ ਸਿਹਤ ਮੰਤਰੀ ਪੈਟੀ ਹਾਏਡੂ ਅਤੇ ਕਿਊਬੈਕ ਦੇ ਸਿਹਤ ਮੰਤਰੀ ਕ੍ਰਿਸਟੀਅਨ ਡੁਬੇ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ।
ਇਸ ਦੌਰਾਨ ਪੈਟੀ ਹਾਏਡੂ ਨੇ ਦੱਸਿਆ ਕਿ ਉਹ ਜਿਸੈਲ ਦੀ ਵੈਕਸੀਨੇਸ਼ਨ ਦੌਰਾਨ ਬੇਹੱਦ ਭਾਵੁਕ ਹੋ ਗਈ ਸਨ।
