ਇਸ ਹਫਤੇ ਪੂਰੇ ਬੀ.ਸੀ. ਲਈ ਗਰਮੀ ਦੀ ਲਹਿਰ ਦੀ ਭਵਿੱਖਬਾਣੀ ਕੀਤੀ ਗਈ ਹੈ

ਬ੍ਰਿਟਿਸ਼ ਕੋਲੰਬੀਆ ਦੇ ਬਹੁਤੇ ਹਿੱਸਿਆਂ ਵਿਚ ਇਸ ਪੂਰੇ ਹਫ਼ਤੇ ਜ਼ਬਰਦਸਤ ਗਰਮੀ ਪੈਣ ਦੀ ਸੰਭਾਵਨਾ ਹੈ।

ਐਨਵੌਇਰਮੈਂਟ ਕੈਨੇਡਾ ਦਾ ਅਨੁਮਾਨ ਹੈ ਕਿ ਕੈਮਲੂਪਸ ਵਿੱਚ ਬੁੱਧਵਾਰ ਤੱਕ ਤਾਪਮਾਨ 38 ਡਿਗਰੀ ਤੱਕ ਵੱਧ ਜਾਵੇਗਾ ਅਤੇ ਪੋਰਟ ਅਲਬਰਨੀ ਵਿੱਚ ਤਾਪਮਾਨ ਇਸ ਹਫ਼ਤੇ 30 ਡਿਗਰੀ ਦੇ ਆਸਪਾਸ ਰਹਿਣ ਦੀ ਸੰਭਾਵਨਾ ਹੈ।

ਐਮਰਜੈਂਸੀ ਮੈਨੇਜਮੈਂਟ ਮਿਨਿਸਟਰ, ਬੋਇੰਨ ਮਾ ਨੇ ਬੀਸੀ ਰੈਜ਼ੀਡੈਂਟਸ ਨੂੰ ਗਰਮੀ ਤੋਂ ਬਚਣ ਲਈ ਸਾਵਧਾਨੀ ਵਰਤਣ, ਵਧੇਰੇ ਪਾਣੀ ਅਤੇ ਤਰਲ ਪਦਾਰਥ ਪੀਣ ਅਤੇ ਬਾਹਰੀ ਗਤੀਵਿਧੀਆਂ ਨੂੰ ਸੀਮਤ ਕਰਨ ਦੀ ਅਪੀਲ ਕੀਤੀ ਹੈ।

ਲੋਕਾਂ ਨੂੰ ਜੇ ਸੰਭਵ ਹੋਵੇ ਤਾਂ ਕੂਲਿੰਗ ਸੈਂਟਰਾਂ ਵਿੱਚ ਜਾਣ ਲਈ ਵੀ ਆਖਿਆ ਗਿਆ ਹੈ।

ਸ਼ਨੀਵਾਰ ਨੂੰ ਜਾਰੀ ਹੀਟ ਵਾਰਨਿੰਗ ਵਿਚ ਮੌਸਮ ਵਿਭਾਗ ਨੇ ਵੈਨਕੂਵਰ, ਫ਼੍ਰੇਜ਼ਰ ਵੈਲੀ 'ਚ ਤਾਪਮਾਨ 33 ਡਿਗਰੀ ਤੱਕ ਪਹੁੰਚਣ ਅਤੇ ਪੂਰਬੀ ਵੈਨਕੂਵਰ ਆਈਲੈਂਡ ਤੇ ਸਨਸ਼ਾਈਨ ਕੋਸਟ ਵਿਚ ਤਾਪਮਾਨ ਦੇ 29 ਤੋਂ 32 ਡਿਗਰੀ ਦਰਮਿਆਨ ਹੋਣ ਦੀ ਸੰਭਾਵਨਾ ਜਤਾਈ ਸੀ।

ਵੀਰਵਾਰ ਤੋਂ ਗਰਮੀ ਤੋਂ ਕੁਝ ਰਾਹਤ ਮਿਲ ਸਕਦੀ ਹੈ।

ਬੀ.ਸੀ. ਦਾ 80 ਫੀਸਦੀ ਤੋਂ ਵੱਧ ਇਲਾਕਾ ਸੋਕੇ ਵਾਲੀ ਸਥਿਤੀ ਦੇ ਚੌਥੇ ਜਾਂ ਪੰਜਵੇਂ ਦਰਜੇ ‘ਤੇ ਪਹੁੰਚ ਗਿਆ ਹੈ।