19.15C Vancouver 19.15C VancouverFeb 18, 2025 4:57 PM - The Canadian Press
ਟੋਰੌਂਟੋ ਦੇ ਪੀਅਰਸਨ ਇੰਟਰਨੈਸ਼ਨਲ ਏਅਰਪੋਰਟ ’ਤੇ ਸੋਮਵਾਰ ਲੈਂਡਿੰਗ ਦੌਰਾਨ ਡੇਲਟਾ ਏਅਰਲਾਈਨਜ਼ ਦਾ ਇੱਕ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ਵਿਚ 22 ਕੈਨੇਡੀਅਨ ਸਮੇਤ 76 ਯਾਤਰੀ ਅਤੇ 4 ਚਾਲਕ ਦਲ ਦੇ ਮੈਂਬਰ ਸਨ। ਇਹ ਘਟਨਾ ਬੀਤੀ ਦੁਪਹਿਰ 2:15 ਵਜੇ ਦੇ ਕਰੀਬ ਵਾਪਰੀ। ਫਲਾਈਟ ਮਿਨੀਐਪੋਲਿਸ ਤੋਂ ਟੋਰੌਂਟੋ ਆਈ ਸੀ, ਜੋ ਹਵਾਈ ਅੱਡੇ ’ਤੇ ਲੈਂਡਿੰਗ ਦੌਰਾਨ ਅਚਾਨਕ ਪਲਟ ਗਈ।
ਡੇਲਟਾ ਏਅਰਲਾਈਨਜ਼ ਦਾ ਕਹਿਣਾ ਹੈ ਕਿ ਹਾਦਸੇ ਤੋਂ ਬਾਅਦ ਹਸਪਤਾਲ ਵਿਚ ਦਾਖ਼ਲ 21 ਯਾਤਰੀਆਂ ਵਿਚੋਂ 19 ਨੂੰ ਅੱਜ ਸਵੇਰ ਤੱਕ ਛੁੱਟੀ ਮਿਲ ਚੁੱਕੀ ਹੈ। ਉਥੇ ਹੀ ਪੀਅਰਸਨ ਏਅਰਪੋਰਟ ਨੇ ਬਿਆਨ ਵਿਚ ਕਿਹਾ ਕਿ ਹਾਦਸੇ ਦੀ ਜਾਂਚ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦੇ ਜਾਂਚਕਰਤਾ ਵਲੋਂ ਕੀਤੀ ਜਾ ਰਹੀ ਹੈ। ਏਅਰਪੋਰਟ ਨੇ ਕਿਹਾ ਕਿ ਉਡਾਣਾਂ ਆ-ਜਾ ਰਹੀਆਂ ਹਨ ਪਰ ਯਾਤਰੀਆਂ ਨੂੰ ਹਵਾਈ ਅੱਡੇ ’ਤੇ ਜਾਣ ਤੋਂ ਪਹਿਲਾਂ ਆਪਣੀ ਫਲਾਈਟ ਦਾ ਸਥਿਤੀ ਦੀ ਜਾਂਚ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਕਿਹਾ ਜਾਂਦਾ ਹੈ ਕਿ ਵੀਕਐਂਡ ’ਤੇ ਟੋਰੌਂਟੋ ਖੇਤਰ ਵਿਚ ਆਏ ਸਰਦੀਆਂ ਦੇ ਤੂਫਾਨ ਤੋਂ ਬਾਅਦ ਚੱਲ ਰਹੀਆਂ ਤੇਜ਼ ਬਰਫੀਲੀਆਂ ਹਵਾਵਾਂ ਵਿਚਕਾਰ ਡੇਲਟਾ ਏਅਰਲਾਈਨਜ਼ ਦੀ ਫਲਾਇਟ ਪੀਅਰਸਨ ’ਤੇ ਪਹੁੰਚੀ ਸੀ। ਮੌਸਮ ਵਿਭਾਗ ਮੁਤਾਬਕ, ਹਾਦਸੇ ਸਮੇਂ ਹਵਾਈ ਅੱਡੇ ’ਤੇ 65 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲ ਰਹੀਆਂ ਸਨ।
