31.58C Vancouver 31.58C VancouverJul 4, 2024 4:19 PM - The Associated Press
ਈਰਾਨ ਪੱਖੀ ਸੰਗਠਨ ਹਿਜ਼ਬੁੱਲਾ ਨੇ ਇਜ਼ਰਾਈਲ ’ਤੇ ਹੁਣ ਤੱਕ ਦਾ ਸਭ ਤੋਂ ਵੱਡਾ ਹਮਲਾ ਕੀਤਾ ਹੈ। ਰਿਪੋਰਟ ਮੁਤਾਬਕ, ਅੱਤਵਾਦੀ ਸੰਗਠਨ ਨੇ ਵੀਰਵਾਰ ਨੂੰ ਇਜ਼ਰਾਇਲ ’ਤੇ 200 ਤੋਂ ਜ਼ਿਆਦਾ ਰਾਕੇਟ ਦਾਗੇ। ਇਸ ਤੋਂ ਇਲਾਵਾ ਕਰੀਬ 20 ਡਰੋਨ ਹਮਲੇ ਵੀ ਕੀਤੇ, ਜਿਸ ਨਾਲ ਇਜ਼ਰਾਇਲੀ ਫੌਜੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਇਜ਼ਰਾਇਲੀ ਫੌਜ ਨੇ ਕਿਹਾ ਕਿ ਕੁਝ ਮਿਜ਼ਾਈਲਾਂ ਲੇਬਨਾਨ ਤੋਂ ਉਨ੍ਹਾਂ ਦੇ ਇਲਾਕੇ ਵਿਚ ਡਿੱਗੀਆਂ ਅਤੇ ਇਨ੍ਹਾਂ ਵਿਚੋਂ ਕਈਆਂ ਨੂੰ ਰੋਕ ਦਿੱਤਾ ਗਿਆ ਸੀ। ਅਜੇ ਤੱਕ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ।
ਹਿਜ਼ਬੁੱਲਾ ਨੇ ਆਪਣੇ ਇੱਕ ਟੌਪ ਦੇ ਕਮਾਂਡਰ ਦੀ ਮੌਤ ਦਾ ਬਦਲਾ ਲੈਣ ਲਈ ਇਹ ਹਮਲਾ ਕੀਤਾ। ਦਰਅਸਲ, ਇਜ਼ਰਾਇਲ ਨੇ ਬੀਤੇ ਦਿਨ ਦੱਖਣੀ ਲੇਬਨਾਨ ਵਿਚ ਹਮਲਾ ਕੀਤਾ ਸੀ, ਜਿਸ ਵਿਚ ਹਿਜ਼ਬੁੱਲਾ ਦਾ ਟੌਪ ਕਮਾਂਡਰ ਮੁਹੰਮਦ ਨਿਮਾਹ ਨਾਸਿਰ ਮਾਰਿਆ ਗਿਆ ਸੀ।
ਗੌਰਤਲਬ ਹੈ ਕਿ ਹਿਜ਼ਬੁੱਲਾ ਲੇਬਨਾਨ ਦਾ ਤਾਕਤਵਰ ਗਰੁੱਪ ਹੈ। ਅਮਰੀਕਾ ਅਤੇ ਕਈ ਦੇਸ਼ਾਂ ਨੇ ਇਸ ਨੂੰ ਅੱਤਵਾਦੀ ਸੰਗਠਨ ਐਲਾਨ ਕੀਤਾ ਹੋਇਆ ਹੈ।
