15.1C Vancouver 15.1C VancouverNov 2, 2021 11:15 PM - The Canadian Press
ਰੀਅਲ ਐਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਅਕਤੂਬਰ ਦੇ ਮਹੀਨੇ 'ਚ ਪ੍ਰਾਪਰਟੀਆਂ ਦੀ ਕੀਮਤ 'ਚ ਵਾਧਾ ਹੋਣ ਦਾ ਸਿਲਸਿਲਾ ਜਾਰੀ ਰਿਹਾ।
ਬੋਰਡ ਦੀ ਅਕਤੂਬਰ ਮਹੀਨੇ ਦੀ ਹਾਊਸਿੰਗ ਰਿਪੋਰਟ 'ਚ ਦੱਸਿਆ ਗਿਆ ਕਿ ਲੋਅਰ ਮੇਨਲੈਂਡ 'ਚ ਹੋਣ ਵਾਲੀਆਂ ਘਰਾਂ ਦੀਆਂ ਵਿਕਰੀਆਂ 'ਚ ਗਿਰਾਵਟ ਦਰਜ ਕੀਤੀ ਗਈ।
ਬੀਤੇ ਸਾਲ ਦੇ ਇਸੇ ਮਹੀਨੇ ਦੌਰਾਨ ਹੋਈਆਂ ਵਿਕਰੀਆਂ ਦੇ ਮੁਕਾਬਲੇ 5% ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਹਾਲਾਂਕਿ ਸਿਤੰਬਰ ਮਹੀਨੇ ਦੇ ਅੰਕੜੇ ਮੁਕਾਬਲੇ ਵਿਕਰੀਆਂ 'ਚ 11% ਵਾਧਾ ਦਰਜ ਕੀਤਾ ਗਿਆ।
ਬੀਤੇ 10 ਸਾਲ ਦੀਆਂ ਵਿਕਰੀਆਂ ਦੀ ਔਸਤ ਮੁਕਾਬਲੇ ਅਕਤੂਬਰ ਮਹੀਨੇ ਦੀਆਂ ਵਿਕਰੀਆਂ 'ਚ 22% ਦਾ ਵਾਧਾ ਦਰਜ ਕੀਤਾ ਗਿਆ।
ਬੋਰਡ ਨੇ ਇਹ ਵੀ ਜਾਣਕਾਰੀ ਦਿੱਤੀ ਹੈ ਕਿ ਪ੍ਰਾਪਰਟੀ ਲਿਸਟਿੰਗਸ 'ਚ ਕਰੀਬ 3 ਸਾਲ 'ਚ ਸਭ ਤੋਂ ਵਧੇਰੇ ਗਿਰਾਵਟ ਦਰਜ ਕੀਤੀ ਗਈ ਹੈ।
ਘਰਾਂ ਦੀਆਂ ਕੀਮਤਾਂ 'ਚ ਵਾਧੇ ਪਿੱਛੇ ਕੁਝ ਘਰਾਂ ਲਈ ਮੁਕਾਬਲੇਬਾਜੀ ਨੂੰ ਕਾਰਨ ਦੱਸਿਆ ਗਿਆ ਹੈ।
ਬੀਤੇ ਮਹੀਨੇ ਘਰਾਂ ਦੀ ਬੈਂਚਮਾਰਕ ਕੀਮਤ $1.2 ਮਿਲੀਅਨ 'ਤੇ ਦਰਜ ਕੀਤੀ ਗਈ।
ਸਿਤੰਬਰ ਦੀ ਰਿਪੋਰਟ ਮੁਕਾਬਲੇ ਇਸ 'ਚ 1.1% ਦਾ ਵਾਧਾ ਦੱਸਿਆ ਗਿਆ ਹੈ।
