15.25C Vancouver 15.25C VancouverSep 2, 2021 10:31 PM -
ਰੀਅਲ ਐਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਇਸ ਸਾਲ ਦੀ ਸ਼ੁਰੂਆਤ 'ਚ ਘਰਾਂ ਦੀ ਵਿਕਰੀ 'ਚ ਆਈ ਤੇਜ਼ੀ ਹੁਣ ਘਟਣ ਲੱਗੀ ਹੈ।
ਹਾਲਾਂਕਿ ਇਸ ਦਾ ਅਸਰ ਘਰਾਂ ਦੀਆਂ ਕੀਮਤਾਂ 'ਤੇ ਨਹੀਂ ਪਿਆ ਹੈ।
ਬੋਰਡ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਅਗਸਤ ਦੇ ਮਹੀਨੇ 'ਚ ਘਰਾਂ ਦੀ ਵਿਕਰੀ ਦੀ ਗਿਣਤੀ 3,152 ਰਹੀ।
ਬੀਤੇ ਸਾਲ ਦੇ ਅਗਸਤ ਮਹੀਨੇ ਦੇ ਮੁਕਾਬਲੇ ਇਸ ਨੂੰ ਵਿਕਰੀ 'ਚ 3.4% ਦਾ ਵਾਧਾ ਦੱਸਿਆ ਗਿਆ ਹੈ।
ਹਾਲਾਂਕਿ ਜੁਲਾਈ ਮਹੀਨੇ ਦੀਆਂ ਵਿਕਰੀਆਂ ਮੁਕਾਬਲੇ ਇਸ ਨੂੰ 5.2% ਦੀ ਗਿਰਾਵਟ ਦੱਸਿਆ ਗਿਆ ਹੈ।
ਬੋਰਡ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ ਦੀ ਵਿਕਰੀ 10 ਸਾਲ ਦੇ ਅਗਸਤ ਮਹੀਨੇ ਦੇ ਵਿਕਰੀਆਂ ਦੀ ਔਸਤ ਤੋਂ 20% ਵਧੇਰੇ ਸੀ।
ਇਹ ਵੀ ਦੱਸਿਆ ਗਿਆ ਕਿ ਬੀਤੇ ਸਾਲ ਦੇ ਅਗਸਤ ਮਹੀਨੇ ਦੇ ਮੁਕਾਬਲੇ ਨਵੀਆਂ ਲਿਸਟਿੰਗਸ 30.6% ਹੇਠਾਂ ਆਈਆਂ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਸਾਰੀਆਂ ਰੈਜ਼ੀਡੈਂਸ਼ੀਅਲ ਪ੍ਰਾਪਰਟੀਆਂ ਲਈ ਬੈਂਚਮਾਰਕ ਕੀਮਤ $1.176 ਮਿਲੀਅਨ ਤਕ ਪਹੁੰਚ ਗਈ ਜੋ ਕਿ ਬੀਤੇ ਸਾਲ ਦੇ ਅਗਸਤ ਮਹੀਨੇ ਦੇ ਮੁਕਾਬਲੇ 13.2% ਵਧੇਰੇ ਹੈ।
