12.68C Vancouver 12.68C VancouverOct 30, 2020 11:18 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਜੇਕਰ ਕਨੇਡੀਅਨ ਲੋਕਾਂ ਨੇ ਮੌਜੂਦਾ ਹਿਸਾਬ ਨਾਲ ਹੀ ਲੋਕਾਂ ਨਾਲ ਸੰਪਰਕ ਬਣਾਉਣਾ ਜਾਰੀ ਰੱਖਿਆ, ਤਾਂ ਦਿਸੰਬਰ ਤੱਕ ਦੇਸ਼ 'ਚ ਹਰ ਰੋਜ਼ ਰਿਪੋਰਟ ਹੋਣ ਵਾਲੇ ਕੋਵਿਡ-19 ਮਾਮਲਿਆਂ ਦੀ ਗਿਣਤੀ 8,000 ਤੱਕ ਪਹੁੰਚ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਜਿਹੜੇ ਇਲਾਕਿਆਂ 'ਚ ਵਾਇਰਸ ਦਾ ਫੈਲਾਅ ਵਧ ਗਿਆ ਹੈ, ਉਥੇ ਵਧੇਰੇ ਪਬੰਦੀਆਂ ਲਾਗੂ ਕਰਨੀਆਂ ਪੈ ਸਕਦੀਆਂ ਹਨ।
ਯਾਦ ਰਹੇ ਅੱਜ ਕਿਊਬੈਕ 'ਚ 1,108 ਅਤੇ ਔਂਟੈਰੀਓ 'ਚ 896 ਮਾਮਲੇ ਰਿਪੋਰਟ ਹੋਏ ਹਨ।
ਕਿਊਬੈਕ 'ਚ ਅੱਜ 18 ਮੌਤਾਂ ਅਤੇ ਔਂਟੈਰੀਓ 'ਚ 9 ਮੌਤਾਂ ਰਿਪੋਰਟ ਹੋਈਆਂ ਹਨ।
ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫੋਰਡ ਦੇ ਦਫ਼ਤਰ 'ਚ ਵੀ ਸਾਫ-ਸਫਾਈ ਦਾ ਧਿਆਨ ਕੀਤਾ ਜਾ ਰਿਹਾ ਹੈ, ਅਤੇ ਉਨ੍ਹਾਂ ਦੇ ਕੁਝ ਸਟਾਫ਼ ਮੈਂਬਰਾਂ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਹਾਲਾਂਕਿ ਦਫ਼ਤਰ ਦਾ ਕਹਿਣਾ ਹੈ ਕਿ ਫੋਰਡ ਦਾ ਇਨ੍ਹਾਂ 'ਚ ਕਿਸੇ ਨਾਲ ਸੰਪਰਕ ਨਹੀਂ ਹੋਇਆ ਸੀ।
