11.85C Vancouver 11.85C VancouverApr 6, 2022 8:26 PM - The Canadian Press
ਸਾਊਥ ਸਰੀ 'ਚ ਇੱਕ ਘਰ 'ਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੂੰ ਸੱਦਿਆ ਗਿਆ ਹੈ।
ਬੁੱਧਵਾਰ ਤੜਕੇ ਵਾਪਰੀ ਘਟਨਾ ਸੰਬੰਧਤ ਜਾਂਚ ਆਈ.ਹਿਟ ਕੋਲ ਪਹੁੰਚਣ ਦੀਆਂ ਖਬਰਾਂ ਹਨ। ਮਾਮਲਾ ਕਥਿਤ ਸ਼ੂਟਿੰਗ ਦੀ ਘਟਨਾ ਨਾਲ ਸੰਬੰਧਤ ਦੱਸਿਆ ਗਿਆ ਹੈ, ਜਿਸ 'ਚ ਪੀੜਤ ਦੀ ਉਮਰ 33 ਸਾਲ ਦੱਸੀ ਗਈ ਹੈ।
ਪ੍ਰਤੱਖਦਰਸ਼ੀਆਂ ਦਾ ਕਹਿਣਾ ਸੀ ਕਿ 24 ਐਵੀਨਿਊ ਅਤੇ 152 ਸਟ੍ਰੀਟ ਦੇ ਇਲਾਕੇ 'ਚ ਸਥਿਤ ਘਰ 'ਚ ਗੋਲੀਆਂ ਚੱਲਣ ਦੀ ਆਵਾਜ਼ ਸੁਣਾਈ ਦਿੱਤੀ ਸੀ।
ਮਾਮਲਾ ਅੱਜ ਤੜਕੇ ਕਰੀਬ 2 ਵਜੇ ਦਾ ਦੱਸਿਆ ਗਿਆ।
ਰਿਪੋਰਟਸ ਅਨੁਸਾਰ ਮੌਕੇ ਤੋਂ ਇੱਕ 33 ਸਾਲਾ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਕਥਿਤ ਤੌਰ 'ਤੇ ਇਸ ਘਰ 'ਚ ਕੁਝ ਲੋਕ ਕਿਰਾਏ 'ਤੇ ਰਹਿੰਦੇ ਹਨ। ਮੌਕੇ 'ਤੇ ਭਾਰੀ ਗਿਣਤੀ 'ਚ ਪੁਲਿਸ ਨੇ ਪਹੁੰਚ ਕੀਤੀ ਸੀ।
ਸਵੇਰੇ ਕਰੀਬ 7 ਵਜੇ ਆਈ.ਹਿਟ ਵੈਨ ਨੂੰ ਮੌਕੇ 'ਤੇ ਵੇਖਿਆ ਗਿਆ।
