12.04C Vancouver 12.04C VancouverJul 6, 2021 7:30 PM -
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਗਿਲਡਫੋਰਡ ਇਲਾਕੇ 'ਚ ਵਾਪਰੀ ਇੱਕ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਇੱਕ 5 ਸਾਲਾ ਬੱਚੇ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ ਇੱਕ 42 ਸਾਲਾ ਔਰਤ 'ਤੇ ਗੰਭੀਰ ਹਮਲਾ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਅਫ਼ਸਰਾਂ ਨੂੰ ਸੋਮਵਾਰ ਰਾਤ ਕਰੀਬ 9.15 ਵਜੇ 94 ਐਵੀਨਿਊ ਦੇ 15400 ਬਲੌਕ 'ਚ ਸੱਦਿਆ ਗਿਆ ਸੀ।
ਗੰਭੀਰ ਜ਼ਖਮੀ ਹੋਈ ਔਰਤ ਘਰ ਤੋਂ ਨਿਕਲ ਕੇ ਪੁਲਿਸ ਨੂੰ ਕਾਲ ਕਰਨ 'ਚ ਕਾਮਯਾਬ ਰਹੀ।
ਹਾਲਾਂਕਿ ਇਸ ਦੌਰਾਨ 5 ਸਾਲਾ ਬੱਚਾ ਘਰ 'ਚ ਸੀ।
ਪੁਲਿਸ ਅਨੁਸਾਰ ਸ਼ੱਕੀ ਨੇ ਘਰ 'ਚ ਅੱਗ ਲਗਾ ਦਿੱਤੀ ਅਤੇ ਲਾਲ ਰੰਗ ਦੀ ਸੁਬਰੂ ਗੱਡੀ 'ਚ ਮੌਕੇ ਤੋਂ ਫਰਾਰ ਹੋ ਗਿਆ।
ਅੱਗ 'ਤੇ ਕਾਬੂ ਪਾਉਣ ਤੋਂ ਬਾਅਦ ਅੰਦਰ ਦਾਖਿਲਾ ਲਿਆ ਗਿਆ ਅਤੇ ਅੰਦਰ ਬੱਚਾ ਮ੍ਰਿਤ ਮਿਲਿਆ।
ਰਾਤ ਕਰੀਬ 9.40 'ਤੇ ਕੋਕਟਲਮ ਆਰ.ਸੀ.ਐਮ.ਪੀ. ਨੂੰ ਇੱਕ ਵਿਅਕਤੀ ਦੇ ਪੋਰਟ ਮੈਨ ਬ੍ਰਿਜ ਤੋਂ ਛਾਲ ਮਾਰਨ ਦੀ ਜਾਣਕਾਰੀ ਮਿਲੀ।
ਇਸ ਵਿਅਕਤੀ ਦੀ ਫਰੇਜ਼ਰ ਨਦੀ 'ਚ ਭਾਲ ਕੀਤੀ ਜਾ ਰਹੀ ਹੈ ਪਰ ਇਸ ਨੂੰ ਮ੍ਰਿਤ ਮੰਨਿਆ ਜਾ ਰਿਹਾ ਹੈ।
ਛਾਲ ਮਾਰਨ ਵਾਲਾ ਵਿਅਕਤੀ ਪੂਰੀ ਘਟਨਾ ਨੂੰ ਅੰਜਾਮ ਦੇਣ ਵਾਲਾ ਸ਼ੱਕੀ ਮੰਨਿਆ ਜਾ ਰਿਹਾ ਹੈ।
ਮਾਮਲੇ ਦੀ ਜਾਂਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੂੰ ਸੌਂਪ ਦਿੱਤੀ ਗਈ ਹੈ।
