16.27C Vancouver 16.27C VancouverSep 20, 2022 10:25 PM - Connect News
ਸਰੀ 'ਚ ਇੱਕ ਆਦਮੀ ਦੀ ਮੌਤ ਤੋਂ ਬਾਅਦ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਡਿਪਲਾਈ ਕੀਤੀ ਗਈ ਹੈ।
ਸਰੀ ਆਰ.ਸੀ.ਐਮ.ਪੀ. ਨੇ ਦੱਸਿਆ ਕਿ ਅਫਸਰਾਂ ਨੂੰ 127 ਸਟ੍ਰੀਟ ਅਤੇ 88 ਐਵੀਨਿਊ ਦੇ ਇਲਾਕੇ 'ਚ ਮੰਗਲਵਾਰ ਸਵੇਰ ਕਰੀਬ 9.25 ਵਜੇ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਜਾਣਕਾਰੀ ਦਿੱਤੀ ਗਈ ਸੀ ਕਿ ਇੱਕ ਆਦਮੀ ਚਲਦੇ ਵਾਹਨ 'ਚ ਬੇਹੋਸ਼ ਹੋ ਗਿਆ ਸੀ।
ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਉਨ੍ਹਾਂ ਵੇਖਿਆ ਕਿ ਆਦਮੀ ਜਖਮੀ ਸੀ ਅਤੇ ਬੇਹੋਸ਼ ਹੋ ਗਿਆ ਸੀ।
ਪੁਲਿਸ ਅਨੁਸਾਰ ਆਦਮੀ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ ਨਾਕਾਮ ਰਹੀਆਂ ਅਤੇ ਆਦਮੀ ਨੇ ਦਮ ਤੋੜ ਦਿੱਤਾ।
ਅਧਿਕਾਰੀਆਂ ਨੇ ਦੱਸਿਆ ਕਿ ਆਦਮੀ ਦੀ ਪਛਾਣ ਸੰਬੰਧੀ ਕੋਸ਼ਿਸ਼ ਜਾਰੀ ਹੈ।
ਮਾਮਲੇ 'ਚ ਅਪਰਾਧਿਕ ਗਤੀਵਿਧੀ ਦਾ ਸ਼ੱਕ ਹੋਣ ਕਾਰਨ ਆਈ.ਹਿਟ ਨੂੰ ਸੱਦਿਆ ਗਿਆ ਪਰ ਪੁਲਿਸ ਨੇ ਇਹ ਨਹੀਂ ਦੱਸਿਆ ਕਿ ਪੀੜਤ ਦੇ ਜਖਮ ਕਿਸ ਪ੍ਰਕਾਰ ਦੇ ਸਨ।
