18.75C Vancouver 18.75C VancouverJul 30, 2026 3:45 PM - Connect Newsroom - Jasmine Singh
ਲੈਂਗਲੀ ਵਿਚ ਹੋਏ ਇੱਕ ਕਤਲ ਦੇ ਮਾਮਲੇ ਵਿਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਨੇ ਮ੍ਰਿਤਕ ਦੀ ਪਛਾਣ 75 ਸਾਲਾ Larry Greig ਵਜੋਂ ਕੀਤੀ ਹੈ। ਇਹ ਘਟਨਾ ਕੈਨੇਡਾ ਡੇਅ ਯਾਨੀ 1 ਜੁਲਾਈ ਦੀ ਰਾਤ ਨੂੰ ਲਗਭਗ 9:50 ਵਜੇ ਵਾਪਰੀ ਸੀ, ਲੈਂਗਲੀ ਆਰਸੀਐਮਪੀ ਨੂੰ ਪਾਰਕ ਐਵੇਨਿਊ ਅਤੇ Douglas Crescent ਨੇੜੇ ਇੱਕ ਬਜ਼ੁਰਗ ਵਿਅਕਤੀ ਦੇ ਗੰਭੀਰ ਹਾਲਤ ਵਿਚ ਹੋਣ ਦੀ ਖ਼ਬਰ ਮਿਲੀ ਸੀ।
IHIT spokesperson Sgt. Freda Fong ਮੁਤਾਬਕ, Greig ਇੱਕ ਸਥਾਨਕ ਸ਼ਰਾਬਖਾਨੇ ਤੋਂ ਬਾਹਰ ਨਿਕਲੇ ਸਨ, ਜਿਸ ਤੋਂ ਤੁਰੰਤ ਬਾਅਦ ਉਨ੍ਹਾਂ ਦੀ ਕਿਸੇ ਨਾਲ ਹੱਥੋਪਾਈ ਹੋ ਗਈ। ਇਸ ਲੜਾਈ ਵਿਚ ਉਹ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਏ ਅਤੇ ਹਸਪਤਾਲ ਵਿਚ ਇਲਾਜ ਦੌਰਾਨ 9 ਜੁਲਾਈ ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ।
ਇਸ ਮਾਮਲੇ ਦੇ ਸਬੰਧ ਵਿਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਨੇ ਘਟਨਾ ਸਮੇਂ ਇਲਾਕੇ ਵਿਚ ਮੌਜੂਦ ਚਾਰ ਸੰਭਾਵਿਤ ਗਵਾਹਾਂ ਦੀਆਂ ਸੀ.ਸੀ.ਟੀ.ਵੀ. ਤਸਵੀਰਾਂ ਜਾਰੀ ਕੀਤੀਆਂ ਹਨ ਅਤੇ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਵੀ ਇਨ੍ਹਾਂ ਵਿਅਕਤੀਆਂ ਨੂੰ ਪਛਾਣਦਾ ਹੈ ਜਾਂ ਜਿਨ੍ਹਾਂ ਕੋਲ ਉਸ ਰਾਤ ਦੀ ਕੋਈ ਡੈਸ਼ਕੈਮ ਵੀਡੀਓ ਹੈ, ਤਾਂ ਉਹ ਤੁਰੰਤ IHIT ਨਾਲ ਸੰਪਰਕ ਕਰ ਸਕਦੇ ਹਨ।
