19.69C Vancouver 19.69C VancouverMay 23, 2021 1:16 PM -
ਪੁਲਿਸ ਦਾ ਕਹਿਣਾ ਹੈ ਕਿ ਕੋਕੁਇਟਲਮ ਵਿੱਚ ਸ਼ਨੀਵਾਰ ਸ਼ਾਮ ਨੂੰ ਹੋਈ ਗੋਲੀਬਾਰੀ ਤੋਂ ਬਾਅਦ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਜਾਂਚਕਰਤਾਵਾਂ ਮੁਤਾਬਕ ਪੀੜਤ ਨੂੰ ਹਾਰਟ ਸਟ੍ਰੀਟ ਅਤੇ ਹੈਂਡਰਸਨ ਐਵੇਨਿਉ ਨੇੜੇ ਸ਼ਾਮ 5:30 ਵਜੇ ਦੇ ਕਰੀਬ ਗੋਲੀ ਮਾਰੀ ਗਈ।
ਇੰਟੀਗ੍ਰੇਟਿਡ ਹੌਮੀਸਾਈਡ ਇਨਵੈਸਟੀਗੇਸ਼ਨ ਟੀਮ (ਆਈਹਿੱਟ) ਨੇ ਟਵੀਟ ਕੀਤਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਸ਼ੂਟਿੰਗ ਮਿੱਥ ਕੇ ਕੀਤੀ ਗਈ ਸੀ।
ਪੀੜਤ ਦੀ ਪਛਾਣ ਜਾਂ ਕਿਸੇ ਸ਼ੱਕੀ ਬਾਰੇ ਕੋਈ ਜਾਣਕਾਰੀ ਤੁਰੰਤ ਜਾਰੀ ਨਹੀਂ ਕੀਤੀ ਗਈ।
ਆਈਹਿੱਟ ਨੇ ਆਪਣੇ ਟਵੀਟ ਵਿੱਚ ਇਹ ਨਹੀਂ ਦੱਸਿਆ ਕਿ ਉਹਨਾਂ ਮੁਤਾਬਕ ਇਹ ਸ਼ੂਟਿੰਗ ਮੈਟਰੋ ਵੈਨਕੂਵਰ ਵਿੱਚ ਜਾਰੀ ਗੈਂਗ ਹਿੰਸਾ ਨਾਲ ਜੁੜੀ ਹੋਈ ਹੈ ਜਾਂ ਨਹੀਂ।
ਇਸ ਸਾਲ ਅਜੇ ਤੱਕ ਮੈਟਰੋ ਵੈਨਕੂਵਰ ਵਿੱਚ ਗੈਂਗ ਹਿੰਸਾ ਨਾਲ ਸਬੰਧਤ 20 ਕਤਲ ਅਤੇ 20 ਹੋਰ ਕਤਲਾਂ ਦੀ ਕੋਸ਼ਿਸ਼ ਹੋ ਚੁੱਕੀ ਹੈ।
