14.92C Vancouver 14.92C VancouverJun 17, 2021 8:58 PM -
ਬਰਨਬੀ 'ਚ ਹੋਮੀਸਾਈਡ ਅਧਿਕਾਰੀਆਂ ਵੱਲੋਂ ਇੱਕ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਨੂੰ ਕਿ ਪਹਿਲਾਂ ਇੱਕ ਵਿਅਕਤੀ ਦੇ ਲਾਪਤਾ ਹੋਣ ਦਾ ਮਾਮਲਾ ਸਮਝਿਆ ਜਾ ਰਿਹਾ ਸੀ।
33 ਸਾਲਾ ਪਰਮਿੰਦਰ ਪੌਲ ਰਾਏ ਨੂੰ 9 ਜੂਨ ਨੂੰ ਉਸ ਦੇ ਪਰਿਵਾਰ ਨੇ ਲਾਪਤਾ ਹੋਇਆ ਰਿਪੋਰਟ ਕੀਤਾ ਸੀ।
ਇਸ ਦੇ ਬਾਰੇ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਟਵਿਟਰ 'ਤੇ ਜਾਣਕਾਰੀ ਦਿੱਤੀ।
ਪਹਿਲਾਂ ਬਰਨਬੀ ਆਰ.ਸੀ.ਐਮ.ਪੀ. ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ ਸੀ ਪਰ ਸ਼ੱਕ ਕਾਰਨ ਮਾਮਲਾ ਆਈ.ਹਿਟ ਕੋਲ ਪਹੁੰਚਾ ਦਿੱਤਾ ਗਿਆ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਮਾਮਲੇ ਨੂੰ ਸ਼ੱਕੀ ਮੰਨਿਆ ਜਾ ਰਿਹਾ ਹੈ।
ਰਾਏ ਨੂੰ ਆਖਰੀ ਵਾਰ 4 ਜੂਨ ਨੂੰ ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਦੇ ਨੇੜੇ ਯੂਨੀਵਰਸਿਟੀ ਕਰੈਸੈਂਟ ਅਤੇ ਟਾਵਰ ਰੋਡ ਕੋਲ ਸਥਿਤ ਆਪਣੇ ਘਰ 'ਚ ਵੇਖਿਆ ਗਿਆ ਸੀ।
ਰਾਏ ਨੂੰ ਦੱਖਣੀ ਏਸ਼ਿਆਈ ਮੂਲ ਦਾ ਵਿਕਤੀ ਦੱਸਿਆ ਗਿਆ ਹੈ ਜਿਸ ਦਾ ਕੱਦ ਕਰੀਬ 5'10" ਅਤੇ ਭਾਰ 185 ਪਾਉਂਡ ਸੀ।
ਉਸ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਮਾਮਲਾ ਜਾਂਚ ਅਧੀਨ ਹੈ।
