12.9C Vancouver 12.9C VancouverMay 25, 2021 9:25 PM -
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਕੋਕਟਲਮ 'ਚ ਗੋਲੀ ਚੱਲਣ ਦੀ ਵਾਰਦਾਤ 'ਚ ਜਾਨ ਗਵਾਉਣ ਵਾਲੇ ਵਿਅਕਤੀ ਦੀ ਪਛਾਣ ਜਨਤਕ ਕੀਤੀ ਹੈ।
ਪੀੜਤ ਦੀ ਉਮਰ 42 ਸਾਲ ਅਤੇ ਉਸ ਦਾ ਨਾਮ ਮੀਰ ਅਲੀ ਹੁਸੈਨ ਦੱਸਿਆ ਗਿਆ ਹੈ।
22 ਮਈ ਨੂੰ ਸ਼ਾਮ ਕਰੀਬ 5.30 ਵਜੇ ਕੋਕਟਲਮ ਆਰ.ਸੀ.ਐਮ.ਪੀ. ਨੂੰ ਹਾਰਟ ਸਟ੍ਰੀਟ ਅਤੇ ਹੈਂਡਰਸਨ ਐਵੀਨਿਊ ਦੇ ਇਲਾਕੇ 'ਚ ਸੱਦਿਆ ਗਿਆ ਸੀ।
42 ਸਾਲਾ ਮੀਰ ਅਲੀ ਹੁਸੈਨ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਸਿਆ ਸੀ।
ਇਸ ਮਾਮਲੇ 'ਚ ਇੱਕ ਲਾਲ ਰੰਗ ਦੀ ਸਾਲ 2002 ਦੇ ਮਾਡਲ ਦੀ ਬੁਇਕ ਸੈਂਚਰੀ ਗੱਡੀ ਨੂੰ ਮੌਕੇ ਤੋਂ ਨਿਕਲਦੇ ਵੇਖਿਆ ਗਿਆ ਸੀ।
ਇਸ ਨੂੰ ਚੋਰੀ ਦਾ ਵਾਹਨ ਦੱਸਿਆ ਗਿਆ ਹੈ।
ਦੱਸਿਆ ਗਿਆ ਕਿ 23 ਮਈ ਨੂੰ ਇਹ ਵਾਹਨ ਲੈਂਗਲੀ ਆਰ.ਸੀ.ਐਮ.ਪੀ. ਨੂੰ ਆਲਡਰਗਰੋਵ ਦੇ ਇਲਾਕੇ 'ਚ 260 ਸਟ੍ਰੀਟ ਅਤੇ 30ਏ ਐਵੀਨਿਊ ਕੋਲ ਬਰਾਮਦ ਹੋਇਆ ਸੀ।
ਸਾਰਜੈਂਟ ਫਰੈਂਕ ਜੈਂਗ ਨੇ ਦੱਸਿਆ ਕਿ ਪੀੜਤ ਬਾਰੇ ਪੁਲਿਸ ਜਾਣੂ ਸੀ।
ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਜਾਂਚ 'ਚ ਮਦਦਗਾਰ ਸਾਬਿਤ ਹੋਣ ਵਾਲੀ ਕੋਈ ਜਾਣਕਾਰੀ ਹੋਵੇ ਤਾਂ ਉਸ ਨੂੰ ਪੁਲਿਸ ਨੂੰ ਦੱਸਿਆ ਜਾਵੇ।
