16.32C Vancouver 16.32C VancouverMay 14, 2021 5:24 PM -
ਬੀ.ਸੀ. 'ਚ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨ ਆਫਿਸ ਵੱਲੋਂ ਕੀਤੀ ਗਈ ਜਾਂਚ 'ਚ ਇੱਕ ਆਰ.ਸੀ.ਐਮ.ਪੀ. ਅਫ਼ਸਰ ਨੂੰ ਨਿਰਦੋਸ਼ ਪਾਇਆ ਗਿਆ ਹੈ।
ਮਾਮਲਾ ਇੱਕ ਸ਼ੱਕੀ ਇੰਪੇਅਰਡ ਵਾਹਨ ਚਾਲਕ ਦੇ ਟਰੈਫਿਕ ਸਟੌਪ ਤੋਂ ਨਿਕਲ ਜਾਣ ਅਤੇ ਅੱਗੇ ਜਾ ਕੇ ਡੁੱਬ ਜਾਣ ਦੀ ਘਟਨਾ ਨਾਲ ਸੰਬੰਧਤ ਹੈ।
ਸੂਬੇ ਦੇ ਲਿਟਨ ਇਲਾਕੇ 'ਚ ਘਟਨਾ ਵਾਪਰੀ ਸੀ।
ਆਈ.ਆਈ.ਓ. ਦਾ ਕਹਿਣਾ ਹੈ ਕਿ ਪੁਲਿਸ ਅਧਿਕਾਰੀ ਨੇ ਬੀਤੇ ਸਾਲ 12 ਅਗਸਤ ਨੂੰ ਇਹ ਟਰੈਫਿਕ ਸਟੌਪ ਕੀਤਾ ਸੀ ਅਤੇ ਇੱਕ ਤੇਜ਼ ਰਫਤਾਰ ਵਾਹਨ ਨੂੰ ਰੋਕਿਆ ਗਿਆ ਸੀ।
ਇਸ ਤੋਂ 6 ਦਿਨ ਬਾਅਦ ਇਸ ਵਿਅਕਤੀ ਨੂੰ ਹੋਪ ਦੇ ਕੋਲ ਫਰੇਜ਼ਰ ਰਿਵਰ 'ਚ ਮ੍ਰਿਤ ਪਾਇਆ ਗਿਆ ਸੀ।
ਆਈ.ਆਈ.ਓ. ਦੇ ਬੁਲਾਰੇ ਰੌਨ ਮੈਕਡੌਨਲਡ ਦਾ ਕਹਿਣਾ ਸੀ ਕਿ ਜਾਂਚ 'ਚ ਇਹ ਪੁਸ਼ਟੀ ਨਹੀਂ ਕੀਤੀ ਜਾ ਸਕੀ ਕਿ ਅਫ਼ਸਰ ਵੱਲੋਂ ਇਸ ਵਾਹਨ ਦਾ ਪਿੱਛਾ ਕਰਨਾ ਗਲਤ ਸੀ।
ਇਹ ਵੀ ਸਪਸ਼ਟ ਨਹੀਂ ਹੋ ਸਕਿਆ ਕਿ ਵਾਹਨ ਚਾਲਕ ਦਰਿਆ 'ਚ ਕਿਵੇਂ ਜਾ ਡਿੱਗਿਆ ਅਤੇ ਇਸ ਮਾਮਲੇ 'ਚ ਅਫ਼ਸਰ 'ਤੇ ਦੋਸ਼ ਨਹੀਂ ਲਗਾਏ ਜਾਣਗੇ।
