16.27C Vancouver 16.27C VancouverSep 21, 2022 12:28 AM - The Canadian Press
ਵਿਕਟੋਰੀਆ 'ਚ ਇੱਕ ਔਰਤ ਦੀ ਗ੍ਰਿਫਤਾਰੀ ਦੌਰਾਨ ਉਸ ਨੂੰ ਲੱਗੀਆਂ ਸੱਟਾਂ ਦੇ ਮਾਮਲੇ 'ਚ ਜਾਣਕਾਰੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਕੋਲ ਪਹੁੰਚਾਈ ਗਈ ਹੈ।
ਔਰਤ ਨੂੰ ਗੰਭੀਰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਆਈ.ਆਈ.ਓ. ਦਾ ਕਹਿਣਾ ਸੀ ਕਿ ਪੁਲਿਸ ਨੂੰ 9 ਸਿਤੰਬਰ ਨੂੰ ਸ਼ਾਮ ਕਰੀਬ 7.05 ਵਜੇ ਇੱਕ ਔਰਤ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ ਜੋ ਹੇਵੁੱਡ ਐਵੀਨਿਊ ਅਤੇ ਬੀਕਨ ਹਿਲ ਪਾਰਕ ਕੋਲ ਰੌਲਾ ਪਾ ਰਹੀ ਸੀ।
ਪੁਲਿਸ ਨੇ ਆਈ.ਆਈ.ਓ. ਨੂੰ ਦੱਸਿਆ ਕਿ ਔਰਤ ਕੋਲ ਹਥਿਆਰ ਸੀ ਅਤੇ ਉਸ ਨੂੰ ਕਰੀਬ 3 ਘੰਟੇ ਦੀ ਨੈਗੋਸ਼ੀਏਸ਼ਨ ਤੋਂ ਬਾਅਦ ਹਿਰਾਸਤ 'ਚ ਲਿਆ ਗਿਆ ਸੀ।
ਆਈ.ਆਈ.ਓ. ਅਨੁਸਾਰ ਔਰਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ। ਆਈ.ਆਈ.ਓ. ਦਾ ਕਹਿਣਾ ਹੈ ਕਿ ਘਟਨਾ ਸੰਬੰਧੀ ਕਿਸੇ ਕੋਲ ਜਾਣਕਾਰੀ ਜਾਂ ਕੋਈ ਤਸਵੀਰਾਂ ਹੋਣ ਤਾਂ ਸੰਪਰਕ ਕੀਤਾ ਜਾਵੇ।
