9.94C Vancouver 9.94C VancouverFeb 1, 2022 10:26 PM - The Canadian Press
ਸੈਂਟਰਲ ਸਾਨੀਚ ਵਿੱਚ ਇੱਕ ਆਦਮੀ ਨੂੰ ਪਏ ਗੰਭੀਰ ਦਿਲ ਦੇ ਦੌਰੇ ਸੰਬੰਧੀ ਮਾਮਲੇ 'ਚ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਨੇ ਜੇਲ੍ਹ ਅਧਿਕਾਰੀਆਂ ਨੂੰ ਕਲੀਨ ਚਿਟ ਦੇ ਦਿੱਤੀ ਹੈ।
ਆਈ.ਆਈ.ਓ. ਦੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਆਦਮੀ ਨੂੰ ਹਮਲੇ ਦੇ ਦੋਸ਼ 'ਚ ਜੇਲ੍ਹ 'ਚ ਰਖਿਆ ਗਿਆ ਸੀ ਅਤੇ ਉਸ ਨੂੰ 8 ਅਗਸਤ ਨੂੰ ਜੇਲ੍ਹ ਦੇ ਵਿੱਚ ਦਿਲ ਦਾ ਦੌਰਾ ਪਿਆ ਸੀ।
ਘਟਨਾ ਉਸ ਵੇਲੇ ਵਾਪਰੀ ਸੀ ਜਦ ਜੇਲ੍ਹ ਅਟੈਂਡੈਂਟ ਕੁਝ ਸਮੇਂ ਲਈ ਆਪਣੇ ਡੈਸਕ ਤੋਂ ਪਾਸੇ ਚਲਿਆ ਗਿਆ ਸੀ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਵਿਅਕਤੀ ਨੂੰ ਮਦਦ ਪ੍ਰਦਾਨ ਕਰਨ ਦੀ ਕੋਸ਼ਿਸ਼, ਜੇਲ੍ਹ ਅਸਿਸਟੈਂਟ ਦੇ ਡੈਸਕ 'ਤੇ ਵਾਪਿਸ ਪਰਤਣ ਸਾਰ ਕੁਝ ਹੀ ਮਿੰਟਾਂ ਵਿੱਚ ਸ਼ੁਰੂ ਹੋ ਗਈ ਸੀ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਜਿਵੇਂ ਹੀ ਅਧਿਕਾਰੀ ਨੇ ਵਾਪਿਸ ਪਰਤ ਕੇ ਕੈਮਰਾ ਵੇਖਿਆ ਤਾਂ ਤੁਰੰਤ ਮਦਦ ਪਹੁੰਚਾਉਣ ਦੀ ਪ੍ਰੀਕਿਰਿਆ ਅਰੰਭੀ ਗਈ ਸੀ।
ਇਸ ਵਿਅਕਤੀ ਨੂੰ ਆਕਸੀਜਨ ਦੀ ਘਾਟ ਕਾਰਨ ਗੰਭੀਰ ਦਿਮਾਗੀ ਸੱਟ ਲੱਗੀ ਸੀ ਅਤੇ ਉਹ ਹਸਪਤਾਲ 'ਚ ਇਲਾਜ ਅਧੀਨ ਹੈ।
ਪਰ ਰਿਪੋਰਟ ਅਨੁਸਾਰ ਹੁਣ ਕਰਾਊਨ ਨੂੰ ਦੋਸ਼ ਤੈਅ ਕਰਨ ਲਈ ਨਹੀਂ ਆਖਿਆ ਜਾਵੇਗਾ ਅਤੇ ਮਸਲੇ ਨੂੰ ਬੰਦ ਕੀਤਾ ਜਾ ਰਿਹਾ ਹੈ।
