24.42C Vancouver 24.42C VancouverFeb 8, 2022 1:34 AM - Connect News
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਇੱਕ ਗੈਰਕਨੂੰਨੀ ਨਾਈਟਕਲੱਬ ਨੂੰ ਬੰਦ ਕੀਤਾ ਗਿਆ ਹੈ।
ਕੋਵਿਡ-19 ਦੇ ਨਿਯਮਾਂ ਦੀ ਉਲੰਘਣਾ ਕਰਦੇ ਦਰਜਨਾਂ ਲੋਕਾਂ ਨੂੰ ਮੌਕੇ 'ਤੇ ਵੇਖੇ ਜਾਣ ਮਗਰੋਂ ਪੁਲਿਸ ਵੱਲੋਂ ਕਾਰਵਾਈ ਕੀਤੀ ਜਾ ਰਹੀ ਹੈ।
ਮਾਮਲਾ 30 ਜਨਵਰੀ ਦਾ ਦੱਸਿਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਫਰੰਟ ਸਟਰੀਟ ਅਤੇ ਬੈਗਬੀ ਸਟਰੀਟ ਦੇ ਕੋਲ ਸੱਦਿਆ ਗਿਆ ਸੀ।
ਪੁਲਿਸ ਨੇ ਇਮਾਰਤ ਦੇ ਵਿੱਚ ਵੇਖਿਆ ਕਿ 150 ਦੇ ਕਰੀਬ ਲੋਕ ਮੌਜੂਦ ਸਨ।
ਇਸ 'ਚ ਕੁਝ ਲੋਕ ਨੱਚਟੱਪ ਰਹੇ ਸਨ।
ਮੌਕੇ 'ਤੇ ਸ਼ਰਾਬ ਵਰਤਾਈ ਜਾ ਰਹੀ ਸੀ ਅਤੇ ਕਿਸੇ ਨੇ ਮਾਸਕ ਨਹੀਂ ਪਹਿਨੇ ਸਨ।
ਲੋਕਾਂ ਦਾ ਇੱਕ-ਦੂਜੇ ਤੋਂ ਸ਼ਰੀਰਕ ਦੂਰੀ ਬਣਾ ਕੇ ਰੱਖਣ ਦਾ ਵੀ ਧਿਆਨ ਨਹੀਂ ਰੱਖਿਆ ਜਾ ਰਿਹਾ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਇੱਕ ਗੈਰਕਨੂੰਨੀ ਨਾਈਟਕਲੱਬ ਜਾਪਦਾ ਸੀ।
ਪੁਲਿਸ ਅਨੁਸਾਰ ਮੌਕੇ 'ਤੇ ਬਿਨਾ ਕਿਸੇ ਘਟਨਾ ਤੋਂ ਈਵੈਂਟ ਨੂੰ ਸ਼ਟ-ਡਾਊਨ ਕਰ ਦਿੱਤਾ ਗਿਆ।
ਈਵੈਂਟ ਪ੍ਰਬੰਧਕ ਨੂੰ $575 ਦਾ ਜੁਰਮਾਨਾ ਲਗਾਇਆ ਗਿਆ।
