12.56C Vancouver 12.56C VancouverAug 26, 2024 3:56 PM - The Canadian Press
ਕੈਨੇਡਾ ਦਾ ਸੰਸਦ ਸੈਸ਼ਨ 16 ਸਤੰਬਰ ਨੂੰ ਸ਼ੁਰੂ ਹੋਣ ਤੋਂ ਪਹਿਲਾਂ ਪੀ. ਐੱਮ. ਜਸਟਿਨ ਟਰੂਡੋ ਵਲੋਂ ਨੋਵਾ ਸਕੋਸ਼ੀਆ ਦੀ ਰਾਜਧਾਨੀ ਹੈਲੀਫੈਕਸ ਵਿਚ ਕੈਬਨਿਟ ਬੈਠਕ ਬੁਲਾਈ ਗਈ ਹੈ, ਜਿਸ ਵਿਚ ਹਾਊਸਿੰਗ ਸਮੇਤ ਕਈ ਪ੍ਰਮੁੱਖ ਮੁੱਦੇ ਵਿਚਾਰੇ ਜਾ ਰਹੇ ਹਨ। ਲਿਬਰਲ ਕੈਬਨਿਟ ਦੀ ਇਹ ਬੈਠਕ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਸਾਲ ਪਹਿਲਾਂ ਮੰਤਰੀ ਮੰਡਲ ਵਿਚ ਕੀਤੇ ਗਏ ਵੱਡੇ ਫੇਰਬਦਲ ਤੋਂ ਬਾਅਦ ਵੀ ਪਾਰਟੀ ਸਿਆਸੀ ਜ਼ਮੀਨ ਮਜਬੂਤ ਨਹੀਂ ਕਰ ਸਕੀ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੀ ਟੀਮ ਚੋਣ ਸਰਵਿਆਂ ਵਿਚ ਕੰਜ਼ਰਵੇਟਿਵ ਤੋਂ ਇੰਨੇ ਪਿੱਛੇ ਹੈ ਕਿ ਜੇ ਉਹ ਰਨਿੰਗ ਟਰੈਕ ’ਤੇ ਹੁੰਦੇ ਤਾਂ ਹੁਣ ਤੱਕ ਪਿੱਛੇ ਰਹਿ ਗਏ ਹੁੰਦੇ, ਹੁਣ ਕਿਉਂਕਿ ਅਗਲੀਆਂ ਚੋਣਾਂ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਇੱਕ ਸਾਲ ਬਾਕੀ ਹੈ ਇਸ ਲਈ ਲਿਬਰਲਸ ਦੀ ਵਾਪਸੀ ਦਾ ਰਸਤਾ ਦਿਨ-ਬ-ਦਿਨ ਛੋਟਾ ਹੁੰਦਾ ਜਾ ਰਿਹਾ ਹੈ।
ਲਿਬਰਲਸ ਲਈ ਸਭ ਤੋਂ ਵੱਡੀ ਚੁਣੌਤੀ ਘਰਾਂ ਦੀਆਂ ਕਮੀਤਾਂ ਅਤੇ ਇਨ੍ਹਾਂ ਦੀ ਉਪਲਬਧਤਾ ਬਣੀ ਹੋਈ ਹੈ। ਜੂਨ ਵਿਚ ਪਾਰਟੀ ਨੂੰ ਟੋਰੌਂਟੋ ਦੀ ਸੰਸਦੀ ਸੀਟ ਕੰਜ਼ਰਵੇਟਿਸ ਤੋਂ ਹਾਰਨੀ ਪਈ ਸੀ, ਉੱਥੇ ਹੀ ਹੁਣ ਮਾਂਟਰੀਅਲ ਦੀ ਲਸਾਲੇ-ਇਮਰਦ ਸੀਟ ’ਤੇ 16 ਸਤੰਬਰ ਨੂੰ ਹੋਣ ਵਾਲੀ ਜ਼ਿਮਨੀ ਚੋਣ ਵੀ ਲਿਬਰਲਸ ਲਈ ਚੁਣੌਤੀਪੂਰਨ ਬਣੀ ਹੋਈ ਹੈ, ਇਹ ਸੀਟ ਸਾਬਕਾ ਜਸਟਿਸ ਮਿਨਿਸਟਰ ਡੇਵਿਡ ਲੈਮੇਟੀ ਦੇ ਅਸਤੀਫ਼ਾ ਦੇਣ ਮਗਰੋਂ ਖਾਲੀ ਹੋਈ ਸੀ।
