10.8C Vancouver 10.8C VancouverMar 28, 2020 2:04 AM -
ਭਾਰਤ 'ਚ ਜਾਰੀ ਲੌਕਡਾਊਨ ਦੇ ਦਰਮਿਆਨ ਝਾਰਖੰਡ 'ਚਇੱਕ ਦਿਲ ਦਹਿਲਾ ਦੇਣ ਵਾਲੀ ਖਬਰ ਉਜਾਗਰ ਹੋਈ ਹੈ।
10 ਲੋਕਾਂ ਵੱਲੋਂ ਇੱਕ 16 ਸਾਲਾ ਲੜਕੀ ਦੇ ਕਥਿਤ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਘਟਨਾ 24 ਮਾਰਚ ਦੀ ਦੱਸੀ ਗਈ ਹੈ।
ਨਿਊਜ ਅਜੈਂਸੀ ਏ.ਐਨ.ਆਈ. ਨਾਲ ਗੱਲਬਾਤ ਕਰਦੇ ਹੋਏ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ, 'ਲੜਕੀ ਦੁਮਕਾ ਤੋਂ ਆਪਣੇ ਘਰ ਪਰਤ ਰਹੀ ਸੀ।
ਉਸਨੇ ਆਪਣੇ ਦੋਸਤ ਨੂੰ ਕਾਲ ਕਰਕੇ ਸੱਦਿਆ ਅਤੇ ਉਸਨੇ ਘਰ ਪਹੁੰਚਣ 'ਚ ਮਦਦ ਕਰਨ ਲਈ ਆਖਿਆ।
ਪਰ ਮਦਦ ਲਈ ਸੱਦੇ ਇਸ ਦੋਸਤ ਨੇ ਆਪਣੇ ਹੋਰ ਦੋਸਤਾਂ ਦੇ ਨਾਲ ਮਿਲਕੇ ਲੜਕੀ ਦਾ ਬਲਾਤਕਾਰ ਕੀਤਾ।
ਐਫ.ਆਈ.ਆਰ. ਦਰਜ ਕਰ ਲਈ ਗਈ ਹੈ, ਅਤੇ ਐਸ.ਆਈ.ਟੀ. ਬਣਾ ਦਿੱਤੀ ਗਈ ਹੈ।
ਇਲਜਾਮਾਂ ਦਾ ਸਾਹਮਣਾ ਕਰ ਰਹੇ ਮੁਲਜਮਾਂ ਨੂੰ ਜਲਦ ਕਾਬੂ ਕਰ ਲਿਆ ਜਾਵੇਗਾ।'
ਪੀੜਤ ਦੇ ਬਿਆਨਾਂ ਦੇ ਆਧਾਰ 'ਤੇ ਧਾਰਾ 323 ਅਤੇ 376 ਡੀ ਦੇ ਅਨੁਸਾਰ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੋਸਕੋ ਐਕਟ ਦੇ ਤਹਿਤ ਸੈਕਸ਼ਨ ਵੀ ਲਗਾਏ ਗਏ ਹਨ।
ਪੀੜਤ ਲੜਕੀ ਨੂੰ ਹਸਪਤਾਲ 'ਚ ਇਲਾਜ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
