9.71C Vancouver 9.71C VancouverMar 19, 2020 1:58 AM -
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿਦੰਰ ਮੋਦੀ ਨੇ ਬੁੱਧਵਾਰ ਨੂੰ ਕੋਵਿਡ-19 ਦੇ ਭਾਰਤ 'ਚ ਹਾਲਾਤਾਂ ਸੰਬੰਧੀ ਇੱਕ ਹਾਈ ਲੈਵਲ ਦੀ ਬੈਠਕ ਕੀਤੀ।
ਹੁਣ ਪ੍ਰਧਾਨ ਮੰਤਰੀ ਮੋਦੀ ਭਾਰਤ ਨੂੰ ਵੀਰਵਾਰ ਸ਼ਾਮ 8 ਵਜੇ ਸੰਬੋਧਨ ਕਰਨ ਜਾ ਰਹੇ ਹਨ।
ਇਸ ਦੌਰਾਨ ਓਹ ਕੋਵਿਡ-19 ਸੰਬੰਧੀ ਮਾਮਲਿਆਂ 'ਤੇ ਗੱਲਬਾਤ ਕਰ ਸਕਦੇ ਹਨ।
ਇੱਕ ਅਧਿਕਾਰਿਤ ਬਿਆਨ 'ਚ ਆਖਿਆ ਗਿਆ ਕਿ, 'ਕੋਰੋਨਾ ਵਾਇਰਸ ਲਈ ਭਾਰਤ ਨੂੰ ਹੋਰ ਮਜਬੂਤ ਕਰਨ ਲਈ ਅਪਣਾਏ ਜਾ ਰਹੇ ਤਰੀਕਿਆਂ, ਅਤੇ ਦੇਸ਼ 'ਚ ਟੈਸਟਿੰਗ ਨਾਲ ਜੁੜੀਆਂ ਸੁਵਿਧਾਵਾਂ ਸੰਬੰਧੀ ਚਰਚਾ ਕੀਤੀ ਗਈ ਹੈ।'
ਪ੍ਰਧਾਨ ਮੰਤਰੀ ਨੇ ਬੈਠਕ ਦੌਰਾਨ ਜੋਰ ਦਿੱਤਾ ਕਿ ਲੋਕਾਂ ਅਤੇ ਭਾਈਚਾਰਿਆਂ ਨਾਲ ਬੇਹਤਰ ਸੰਪਰਕ ਬਣਾਇਆ ਜਾਵੇ, ਅਤੇ ਉਨ੍ਹਾਂ ਨੂੰ ਇਸ ਪੈਂਡੇਮਿਕ ਨਾਲ ਨਜਿੱਠਣ ਲਈ ਤਰੀਕਿਆਂ ਦੀ ਜਾਣਕਾਰੀ ਦਿੱਤੀ ਜਾਵੇ।
ਇਸ ਬਿਮਾਰੀ ਨਾਲ ਨਜਿੱਠਣ ਲਈ ਕੰਮ ਕਰ ਰਹੀਆਂ ਸੂਬਾ ਸਰਕਾਰਾਂ, ਮੈਡੀਕਲ ਟੀਮਾਂ, ਪੈਰਾਮੈਡੀਕਲ ਸਟਾਫ, ਆਰਮਡ ਅਤੇ ਪੈਰਾਮਿਲਟਰੀ ਫੋਰਸਿਸ, ਏਵੀਏਸ਼ਨ ਸੈਕਟਰ, ਮਯੂਨਿਸਿਪਲ ਸਟਾਫ ਅਤੇ ਹੋਰ ਸਾਰੇ ਲੋਕਾਂ ਦਾ ਪ੍ਰਧਾਨ ਮੰਤਰੀ ਨੇ ਧੰਨਵਾਦ ਕੀਤਾ।
