19.88C Vancouver 19.88C VancouverMar 12, 2020 1:03 PM -
ਭਾਰਤੀ ਸਰਕਾਰ ਵੱਲੋਂ 15 ਅਪ੍ਰੈਲ ਤੱਕ ਭਾਰਤ ਆਉਣ ਵਾਲੇ ਮੁਸਾਫ਼ਰਾਂ ਦੇ ਵੀਜ਼ੇ ਮੁਅੱਤਲ ਕਰ ਦਿੱਤੇ ਗਏ ਹਨ।
ਇਹ ਫੈਸਲਾ ਕੋਰੋਨਾਵਾਇਰਸ ਦੇ ਪਸਾਰ ਨੂੰ ਰੋਕਣ ਲਈ ਲਿਆ ਗਿਆ ਹੈ।
ਇਹ ਫੈਸਲਾ 13 ਮਾਰਚ ਤੋਂ ਲਾਗੂ ਹੋਵੇਗਾ ਪਰ ਡਿਪਲੋਮੈਟਿਕ, ਅਧਿਕਾਰਿਕ ਸੰਯੁਕਤ ਰਾਸ਼ਟਰ ਜਾਂ ਹੋਰ ਅੰਤਰਰਾਸ਼ਟਰੀ ਸੰਸਥਾਵਾਂ, ਰੁਜ਼ਗਾਰ ਸੰਬੰਧੀ ਅਤੇ ਪ੍ਰੋਜੈਕਟ ਵੀਜ਼ਿਆਂ 'ਤੇ ਲਾਗੂ ਨਹੀਂ ਹੋਵੇਗਾ।
ਕੇਂਦਰੀ ਸਿਹਤ ਮੰਤਰੀ ਹਰਸ਼ ਵਰਧਨ ਅਤੇ ਹੋਰ ਕਈ ਮੰਤਰੀਆਂ ਵਿੱਚਕਾਰ ਬੁੱਧਵਾਰ ਨੂੰ ਹੋਈ ਇੱਕ ਉੱਚ ਪੱਧਰੀ ਮੀਟਿੰਗ ਤੋਂ ਬਾਅਦ ਇਹ ਐਲਾਨ ਕੀਤਾ ਗਿਆ।
ਓ.ਸੀ.ਆਈ. ਕਾਰਡ ਵਾਲਿਆਂ ਲਈ ਵੀ ਵੀਜ਼ਾ-ਮੁਕਤ ਆਵਾਜਾਈ 15 ਅਪ੍ਰੈਲ ਤੱਕ ਮੁਅੱਤਲ ਰਹੇਗੀ।
ਜੋ ਕੋਈ ਵਿਦੇਸ਼ੀ ਨਾਗਰਿਕ ਐਮਰਜੈਂਸੀ ਸਥਿਤੀ ਵਿੱਚ ਭਾਰਤ ਦਾ ਦੌਰਾ ਕਰਨਾ ਚਾਹੁੰਦਾ ਹੈ, ਉਸ ਨੂ ਨੇੜਲੇ ਭਾਰਤੀ ਮਿਸ਼ਨ ਨੂੰ ਸੰਪਰਕ ਕਰਨ ਦੀ ਹਦਾਇਤ ਦਿੱਤੀ ਗਈ ਹੈ।
