9.69C Vancouver 9.69C VancouverAug 13, 2020 7:28 PM -
ਭਾਰਤ 'ਚ ਇੱਕੋ ਦਿਨ 'ਚ ਕੋਵਿਡ-19 ਸੰਬੰਧਤ 66,999 ਮਾਮਲਿਆਂ ਦਾ ਸਭ ਤੋਂ ਵੱਡਾ ਵਾਧਾ ਹੋਇਆ ਹੈ।
ਭਾਰਤ 'ਚ ਵਾਇਰਸ ਸੰਬੰਧਤ ਮਾਮਲੇ 24 ਲੱਖ ਦੇ ਕਰੀਬ ਪਹੁੰਚ ਗਏ ਹਨ।
ਇਸ ਦੀ ਜਾਣਕਾਰੀ ਵੀਰਵਾਰ ਨੂੰ ਕੇਂਦਰੀ ਸਿਹਤ ਮੰਤਰਾਲੇ ਵੱਲੋਂ ਜਾਰੀ ਕੀਤੀ ਗਈ ਹੈ।
ਹਾਲਾਂਕਿ ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਭਾਰਤ ਨੇ ਇੱਕੋ ਦਿਨ 'ਚ ਸਭ ਤੋਂ ਵੱਧ ਰਿਕਵਰੀਆਂ ਵੀ ਦਰਜ ਕੀਤੀਆਂ ਹਨ, ਅਤੇ 56,383 ਮਾਮਲੇ ਸੁਲਝ ਗਏ ਵੀ ਦੱਸੇ ਗਏ ਹਨ।
ਜਾਣਕਾਰੀ ਜਾਰੀ ਕਰਨ ਤੱਕ ਭਾਰਤ ਦਾ ਵਾਇਰਸ ਸੰਬੰਧੀ ਅੰਕੜਾ 23,96,638 ਤੱਕ ਪਹੁੰਚ ਗਿਆ ਸੀ।
ਇਸ ਦੇ ਵਿੱਚ 6,53,622 ਮਾਮਲੇ ਐਕਟਿਵ ਦੱਸੇ ਗਏ ਹਨ।
16,95,982 ਮਾਮਲੇ ਸੁਲਝ ਗਏ, ਡਿਸਚਾਰਜ ਕੀਤੇ ਜਾਂ ਮਾਈਗ੍ਰੇਟ ਕੀਤੇ ਦੱਸੇ ਗਏ ਹਨ।
ਬੀਤੇ 24 ਘੰਟੇ 'ਚ 942 ਮਰੀਜ਼ਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ ਹੈ, ਜਿਸ ਦੇ ਨਾਲ ਭਾਰਤ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 47,033 ਤੱਕ ਪਹੁੰਚ ਗਈ ਹੈ।
ਜਾਰੀ ਕੀਤੀ ਜਾਣਕਾਰੀ ਅਨੁਸਾਰ ਭਾਰਤ ਵਿੱਚ ਹੁਣ ਤੱਕ 2 ਕਰੋੜ ਤੋਂ ਵਧੇਰੇ ਸੈਂਪਲ ਟੈਸਟ ਕੀਤੇ ਜਾ ਚੁੱਕੇ ਹਨ।
ਭਾਰਤ 'ਚ ਇਸ ਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਸੂਬਾ ਮਹਾਰਾਸ਼ਟਰ ਹੈ, ਜਿੱਥੇ ਵਾਇਰਸ ਸੰਬੰਧੀ 1,47,820 ਐਕਟਿਵ ਮਾਮਲੇ ਦੱਸੇ ਗਏ ਹਨ।
ਇਹ ਵੀ ਦੱਸਿਆ ਗਿਆ ਕਿ, 'ਮੇਕ ਇਨ ਇੰਡੀਆ' ਪ੍ਰੋਗਰਾਮ ਤਹਿਤ 22,533 ਵੈਂਟੀਲੇਟਰ ਵੀ ਡਿਲਿਵਰ ਕੀਤੇ ਗਏ ਹਨ।
