21.77C Vancouver 21.77C VancouverDec 3, 2020 9:33 PM -
ਕੈਨੇਡਾ ਦੇ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੱਤੀ ਕਿ ਕੈਨੇਡਾ ਕੋਲ ਸਾਲ 2021 ਦੀ ਸ਼ੁਰੂਆਤ 'ਚ ਹੈਲਥ ਕੈਨੇਡਾ ਵੱਲੋਂ ਐਪਰੂਵ ਕੀਤੀਆਂ ਵੈਕਸੀਨਾਂ ਉਪਲਬਧ ਹੋਣਗੀਆਂ।
ਉਨ੍ਹਾਂ ਦੱਸਿਆ ਕਿ ਸ਼ੁਰੂਆਤੀ ਦੌਰ 'ਚ 3 ਮਿਲੀਅਨ ਲੋਕਾਂ ਨੂੰ ਵੈਕਸਿਨੇਟ ਕੀਤੇ ਜਾ ਸਕਣ ਦੇ ਆਸਾਰ ਹਨ, ਅਤੇ ਇਸੇ ਕਾਰਨ ਇਹ ਤੈਅ ਕਰਨਾ ਜ਼ਰੂਰੀ ਹੋਵੇਗਾ ਕਿ ਪਹਿਲਾਂ ਕਿਸ ਨੂੰ ਵੈਕਸੀਨੇਟ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਵੈਕਸੀਨਾਂ ਦੀ ਵੰਢ 'ਤੇ ਖਾਸ ਧਿਆਨ ਦਿੱਤਾ ਜਾਵੇਗਾ ਅਤੇ ਇੰਡੀਜਨਸ ਭਾਈਚਾਰਿਆਂ ਨਾਲ ਵੀ ਸੰਪਰਕ ਕੀਤਾ ਜਾ ਰਿਹਾ ਹੈ।
ਜਲਦੀ ਹੀ ਸਾਰੇ ਕਨੇਡੀਅਨ ਲੋਕਾਂ ਲਈ ਉਪਲਬਧ ਹੋਵੇਗੀ ਵੈਕਸੀਨੇਸ਼ਨ ਦੀ ਆਪਸ਼ਨ
ਡਾ. ਹੌਵਰਡ ਨਿਊ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵੈਕਸੀਨੇਸ਼ਨ ਦੇ ਸ਼ੁਰੂਆਤੀ ਦੌਰ 'ਚ ਕੁਝ ਸੀਮਤ ਉਪਲਬਧਤਾ ਦੇ ਬਾਵਜੂਦ, ਜਲਦੀ ਹੀ ਸਾਰੇ ਕਨੇਡੀਅਨ ਲੋਕਾਂ ਨੂੰ ਵੈਕਸੀਨੇਟ ਕਰਨ ਦੀ ਆਪਸ਼ਨ ਉਪਲਬਧ ਹੋਵੇਗੀ।
ਫਾਈਜ਼ਰ ਦੀ ਵੈਕਸੀਨ ਦੇ ਜਨਵਰੀ 'ਚ ਉਪਲਬਧ ਹੋਣ ਦੀ ਆਸ ਜ਼ਾਹਿਰ ਕੀਤੀ ਗਈ ਹੈ।
ਸ਼ੁੱਕਰਵਾਰ ਤੱਕ ਫਾਈਜ਼ਰ ਤੋਂ ਮਿਲ ਸਕਦੇ ਫਾਈਨਲ ਦਸਤਾਵੇਜ਼
ਹੈਲਥ ਕੈਨੇਡਾ ਦੀ ਚੀਫ਼ ਮੈਡਿਕਲ ਐਡਵਾਈਜ਼ਰ, ਡਾ. ਸੁਪ੍ਰਿਯਾ ਸ਼ਰਮਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਸ਼ੁੱਕਰਵਾਰ ਤੱਕ ਫਾਈਜ਼ਰ ਤੋਂ ਕੁਝ ਫਾਈਨਲ ਦਸਤਾਵੇਜ਼ ਮਿਲਣ ਦੀ ਆਸ ਹੈ, ਜਿਸ ਨਾਲ ਕਿ ਵੈਕਸੀਨ ਦੇ ਮੈਨੂਫੈਕਚਰਿੰਗ ਪ੍ਰੋਸੈਸ ਦੀ ਜਾਣਕਾਰੀ ਮਿਲੇਗੀ।
ਇਸ ਤੋਂ ਇਲਾਵਾ ਇਹ ਵੀ ਜਾਣਕਾਰੀ ਮਿਲੇਗੀ ਕਿ ਵੈਕਸੀਨ ਦੇ ਕਿਹੜੀ ਲੌਟ ਕੈਨੇਡਾ ਭੇਜੇ ਜਾਣਗੇ।
ਕੈਨੇਡਾ ਦੇ ਵੈਕਸੀਨ ਨੂੰ ਮਨਜ਼ੂਰੀ ਦੇਣ ਤੋਂ ਪਹਿਲਾਂ ਦੀ ਇਹ ਫਾਈਨਲ ਪ੍ਰੀਕਿਰਿਆ ਮੰਨੀ ਜਾ ਰਹੀ ਹੈ।
ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਕਿਹਾ ਕਿ ਉਨ੍ਹਾਂ ਨੂੰ ਫੈਸਲਾ "ਫੇਵਰੇਬਲ" ਯਾਨੀ ਕਿ ਚੰਗਾ ਹੋਣ ਦੀ ਆਸ ਹੈ।
