25.87C Vancouver 25.87C VancouverAug 20, 2024 4:34 PM - The Associated Press
ਇਜ਼ਰਾਇਲੀ ਫੌਜ ਨੇ ਗਾਜ਼ਾ ਦੇ ਖਾਨ ਯੂਨਿਸ ਵਿਚ ਰਾਤੋ-ਰਾਤ ਦੀ ਕਾਰਵਾਈ ਦੌਰਾਨ 6 ਬੰਧਕਾਂ ਦੀਆਂ ਲਾਸ਼ਾ ਬਰਾਮਦ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਹਮਾਸ ਨੇ 7 ਅਕਤੂਬਰ ਨੂੰ ਹਮਲੇ ਦੌਰਾਨ ਅਗਵਾ ਕੀਤਾ ਸੀ। ਮ੍ਰਿਤਕਾਂ ਵਿਚ ਇੱਕ ਨੌਜਵਾਨ ਅਤੇ 5 ਵੱਡੀ ਉਮਰ ਦੇ ਲੋਕ ਸਨ। ਮਿਲਟਰੀ ਨੇ ਇਸ ਬਾਰੇ ਵੇਰਵੇ ਨਹੀਂ ਦਿੱਤੇ ਕਿ ਇਨ੍ਹਾਂ ਦੀ ਮੌਤ ਕਿਵੇਂ ਹੋਈ।
ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਕਿ ਫੌਜ ਬੰਧਕਾਂ ਨੂੰ ਛੁਡਾਉਣ ਅਤੇ ਉਨ੍ਹਾਂ ਨੂੰ ਘਰ ਵਾਪਸ ਲਿਆਉਣ ਦੀ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ। ਹਮਾਸ ਦੀ ਕੈਦ ਵਿਚ ਅਜੇ ਵੀ 100 ਦੇ ਕਰੀਬ ਇਜ਼ਰਾਇਲ ਬੰਧਕ ਦੱਸੇ ਜਾਂਦੇ ਹਨ ਅਤੇ ਦੋਹਾਂ ਧਿਰਾਂ ਵਿਚਕਾਰ ਸੀਜ਼ਫਾਇਰ ਦੀ ਗੱਲਬਾਤ ਵਿਚ ਇਹ ਇੱਕ ਅਜਿਹਾ ਮੁੱਦਾ ਹੈ, ਜੋ ਅੜਿੱਕਾ ਬਣ ਰਿਹਾ ਹੈ।
ਹਮਾਸ ਨੇ 7 ਅਕਤੂਬਰ ਨੂੰ ਹਮਲੇ ਦੌਰਾਨ ਲਗਭਗ 250 ਇਜ਼ਰਾਈਲੀ ਅਤੇ ਵਿਦੇਸ਼ੀ ਲੋਕਾਂ ਨੂੰ ਬੰਧਕ ਬਣਾ ਲਿਆ ਸੀ। ਨਵੰਬਰ ਵਿਚ ਜੰਗਬੰਦੀ ਦੌਰਾਨ ਹਮਾਸ ਨੇ ਇਜ਼ਰਾਈਲ ਦੀਆਂ ਜੇਲ੍ਹਾਂ ਵਿਚ ਬੰਦ 240 ਫਲਸਤੀਨੀ ਔਰਤਾਂ ਅਤੇ ਬੱਚਿਆਂ ਦੇ ਬਦਲੇ 105 ਇਜ਼ਰਾਈਲੀ ਬੰਧਕਾਂ ਨੂੰ ਰਿਹਾਅ ਕੀਤਾ ਸੀ, ਉਸ ਤੋਂ ਬਾਅਦ ਦੋਹਾਂ ਧਿਰਾਂ ਸੀਜ਼ਫਾਇਰ ਲਈ ਹੁਣ ਤੱਕ ਸਹਿਮਤ ਨਹੀਂ ਹੋਈਆਂ ਹਨ।
