14C Vancouver 14C VancouverApr 16, 2024 1:06 PM - The Canadian Press
ਕੈਨੇਡਾ ਦਾ 2024 ਲਈ ਫੈਡਰਲ ਬਜਟ ਅੱਜ ਪੇਸ਼ ਹੋਣ ਜਾ ਰਿਹਾ ਹੈ। ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦੁਪਹਿਰ ਬਾਅਦ ਹਾਊਸ ਆਫ਼ ਕਾਮਨ ਵਿਚ ਬਜਟ ਘੋਸ਼ਣਾਵਾਂ ਕਰਨਗੇ। ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਪੂਰੀ ਤਰ੍ਹਾਂ ਚੁਣਾਵੀਂ ਬਜਟ ਹੋ ਸਕਦਾ ਹੈ, ਜਿਸ ਜ਼ਰੀਏ ਕੈਨੇਡੀਅਨਾਂ ਦਾ ਸਮਰਥਨ ਵਾਪਸ ਹਾਸਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਡਿਪਟੀ ਪ੍ਰਾਈਮ ਮਿਨਿਸਟਰ ਕ੍ਰਿਸਟੀਆ ਫ੍ਰੀਲੈਂਡ ਇਹ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕੇ ਹਨ ਕਿ ਮਿਡਲ ਕਲਾਸ ’ਤੇ ਟੈਕਸ ਨਹੀਂ ਵਧੇਗਾ ਪਰ ਸੂਤਰਾਂ ਦਾ ਕਹਿਣਾ ਹੈ ਕਿ ਅਮੀਰ ਕੈਨੇਡੀਅਨਾਂ ਲਈ ਵਧੇਰੇ ਟੈਕਸ ਦਾ ਪ੍ਰਸਤਾਵ ਆ ਸਕਦਾ ਹੈ। ਉਥੇ ਹੀ, ਅਰਥ ਸ਼ਾਸਤਰੀ ਦੀ ਨਜ਼ਰ ਵਿੱਤੀ ਘਾਟੇ ’ਤੇ ਹੋਵੇਗੀ, ਜਿਸ ਦਾ ਆਰਥਿਕਤਾ ਅਤੇ ਆਮ ਆਦਮੀ ’ਤੇ ਸਕਾਰਾਤਮਕ ਅਤੇ ਨਕਾਰਾਤਮਕ ਦੋਵੇਂ ਪ੍ਰਭਾਵ ਹੁੰਦੇ ਹਨ।
ਇਹ ਸਰਕਾਰੀ ਖਰਚਿਆਂ ਨੂੰ ਵਿੱਤੀ ਪ੍ਰਦਾਨ ਕਰਨ ਅਤੇ ਆਰਥਿਕ ਵਿਕਾਸ ਨੂੰ ਰਫਤਾਰ ਦੇਣ ਵਿਚ ਮਦਦ ਕਰਦਾ ਹੈ ਪਰ ਨਾਲ ਹੀ ਇਹ ਉੱਚ ਵਿਆਜ ਦਰਾਂ, ਮਹਿੰਗਾਈ ਨੂੰ ਵੀ ਜਨਮ ਦਿੰਦਾ ਹੈ। ਹਾਲਾਂਕਿ, ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਿਹਾ ਹੈ ਕਿ ਸਰਕਾਰ ਵਿੱਤੀ ਘਾਟੇ ਨੂੰ $40.1-ਬਿਲੀਅਨ ਦੇ ਮੌਜੂਦਾ ਪੱਧਰ ’ਤੇ ਹੀ ਬਰਕਰਾਰ ਰੱਖੇਗੀ।
