ਜਨਵਰੀ 'ਚ ਮੈਟਰੋ ਵੈਨਕੂਵਰ 'ਚ ਘਰਾਂ ਦੀ ਵਿਕਰੀ ਦੀ ਰਫਤਾਰ ਹੋਈ ਧੀਮੀ: ਆਰ.ਈ.ਬੀ.ਜੀ.ਵੀ.

ਰੀਅਲ ਐਸਟੇਟ ਬੋਰਡ ਆਫ ਗਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਜਨਵਰੀ 'ਚ ਘਰਾਂ ਦੀ ਵਿਕਰੀ ਦੀ ਰਫਤਾਰ ਧੀਮੀ ਪਈ ਹੈ।

ਬੋਰਡ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ 2,285 ਘਰਾਂ ਦੀ ਵਿਕਰੀ ਵੇਖਣ ਨੂੰ ਮਿਲੀ।

ਜਨਵਰੀ 2021 'ਚ ਹੋਈ 2,389 ਘਰਾਂ ਦੀ ਵਿਕਰੀ ਮੁਕਾਬਲੇ ਇਸ ਨੂੰ ਕਰੀਬ 5% ਦੀ ਗਿਰਾਵਟ ਦੱਸਿਆ ਗਿਆ ਹੈ।

ਦਿਸੰਬਰ 2021 'ਚ ਹੋਈ 2,688 ਘਰਾਂ ਦੀ ਵਿਕਰੀ ਮੁਕਾਬਲੇ ਇਸ ਨੂੰ 15% ਦੀ ਗਿਰਾਵਟ ਦੱਸਿਆ ਗਿਆ ਹੈ।

ਹਾਲਾਂਕਿ ਬੋਰਡ ਦਾ ਕਹਿਣਾ ਹੈ ਕਿ ਜਨਵਰੀ ਦੀ ਘਰਾਂ ਦੀ ਵਿਕਰੀ ਦੀ ਬੀਤੇ 10 ਸਾਲ ਦੀ ਔਸਤ ਮੁਕਾਬਲੇ ਇਸ ਸਾਲ ਜਨਵਰੀ 'ਚ ਹੋਈ ਵਿਕਰੀ 25.3% ਦਾ ਵਾਧਾ ਦਰਸ਼ਾਉਂਦੀ ਹੈ।

ਬੀਤੇ ਸਾਲ ਜਨਵਰੀ 'ਚ ਦਰਜ ਕੀਤੀਆਂ ਗਈਆਂ 4,480 ਲਿਸਟਿੰਗਸ ਮੁਕਾਬਲੇ ਇਸ ਸਾਲ ਕਰੀਬ 7% ਦੀ ਗਿਰਾਵਟ ਨਾਲ 4,170 ਨਵੀਆਂ ਲਿਸਟਿੰਗਸ ਦਰਜ ਕੀਤੀਆਂ ਗਈਆਂ।

ਇਲਾਕੇ 'ਚ ਘਰਾਂ ਦੀ ਔਸਤਨ ਬੈਂਚਮਾਰਕ ਕੀਮਤ ਦੇ $1.2 ਮਿਲੀਅਨ 'ਤੇ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।

ਇਸ ਨੂੰ ਬੀਤੇ ਸਾਲ ਜਨਵਰੀ ਦੇ ਮਹੀਨੇ 'ਚ ਦਰਜ ਕੀਤੀਆਂ ਗਈਆਂ ਕੀਮਤਾਂ ਮੁਕਾਬਲੇ 18.5% ਦਾ ਵਾਧਾ ਦੱਸਿਆ ਗਿਆ ਹੈ।