13.61C Vancouver 13.61C VancouverJul 25, 2024 5:33 PM - The Canadian Press
ਜੈਸਪਰ ਨੈਸ਼ਨਲ ਪਾਰਕ ਨੇੜੇ ਲੱਗੀ ਅੱਗ ਨੇ ਕਾਫੀ ਨੁਕਸਾਨ ਪਹੁੰਚਾਇਆ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ ਜੈਸਪਰ ਟਾਊਨ ਅਤੇ ਪਾਰਕ ਨੇੜੇ ਕਈ ਗੱਡੀਆਂ ਅਤੇ ਇਮਾਰਤਾਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਹਨ। ਜੈਸਪਰ ਪਾਰਕ ਲਾਜ ਤੱਕ ਅੱਗ ਪਹੁੰਚ ਗਈ ਹੈ ਪਰ ਇਸ ਨੂੰ ਹੋਏ ਨੁਕਸਾਨ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ।
ਇੱਥੇ ਏਅਰ ਕੁਆਲਿਟੀ ਖਤਰਨਾਕ ਪੱਧਰ ’ਤੇ ਪਹੁੰਚ ਗਈ ਹੈ ਅਤੇ ਜਿਨ੍ਹਾਂ ਫਾਇਰ ਫਾਈਟਰਜ਼ ਕੋਲ ਸਾਹ ਲੈਣ ਵਾਲੇ ਉਪਕਰਨ ਨਹੀਂ ਸਨ, ਉਨ੍ਹਾਂ ਨੂੰ ਹਿੰਟਨ ਕਮਿਊਨਿਟੀ ਵੱਲ ਜਾਣਾ ਪਿਆ। ਆਪਣੇ ਘਰ ਖਾਲੀ ਕਰਕੇ ਆਏ ਲੋਕ ਇਸ ਸਮੇਂ ਚਿੰਤਾ ਅਤੇ ਪਰੇਸ਼ਾਨੀ ਨਾਲ ਜੂਝ ਰਹੇ ਹਨ।
ਇਨ੍ਹਾਂ ਲੋਕਾਂ ਦੀ ਮਦਦ ਲਈ ਸਰਕਾਰ ਵਲੋਂ ਰਹਿਣ ਲਈ ਥਾਂ ਦੇ ਨਾਲ-ਨਾਲ ਮੈਂਟਲ ਹੈਲਥ ਸਪਾਰਟ ਦਿੱਤੀ ਜਾ ਰਹੀ ਹੈ।
ਗੌਰਤਲਬ ਹੈ ਕਿ ਐਡਮਿੰਟਨ ਸਿਟੀ ਵਲੋਂ ਵੀ ਜੈਸਪਰ ਵਿਚ ਅੱਗ ਕਾਬੂ ਕਰਨ ਲਈ ਫਾਇਰ ਅਤੇ ਰੈਸਕਿਊ ਸਰਵਿਸ ਅਮਲੇ ਭੇਜੇ ਗਏ ਹਨ।
ਇਸ ਸਾਲ ਸੂਬੇ ਦੇ ਫਾਇਰ ਵਿਭਾਗ ਕੋਲ ਪਹਿਲਾਂ ਨਾਲੋਂ ਵਧੇਰੇ ਕਰੂ ਮੈਂਬਰ ਅਤੇ ਮੌਡਰਨ ਸਮਾਨ ਹੈ, ਇਸ ਲਈ ਆਸ ਹੈ ਕਿ ਫਾਇਰ ਫਾਈਟਰਜ਼ ਜੰਗਲੀ ਅੱਗ ਕਾਰਨ ਹੋਣ ਵਾਲੇ ਨੁਕਸਾਨ ਨੂੰ ਘਟਾਉਣ ਵਿਚ ਮਦਦ ਕਰਨਗੇ।
