30.09C Vancouver 30.09C VancouverJan 22, 2021 12:58 AM -
ਬੀ.ਸੀ. ਦਾ ਇੱਕ ਵਿਅਕਤੀ ਜਿਸ ਨੂੰ ਕਿ ਮੌਤ ਦਾ ਕਾਰਨ ਬਣੀ ਅਪਰਾਧਿਕ ਅਣਗਹਿਲੀ ਦੇ ਮਾਮਲੇ 'ਚ ਦੋਸ਼ੀ ਪਾਇਆ ਗਿਆ ਸੀ, ਉਸ ਦੀ ਆਪਣੀ ਸਜ਼ਾ 'ਚ ਬਦਲਾਅ ਦੇ ਲਈ ਕੀਤੀ ਗਈ ਅਪੀਲ ਰੱਦ ਹੋ ਗਈ ਹੈ।
ਇਸ ਵਿਅਕਤੀ ਨੂੰ 'ਡੇਂਜਰਸ ਔਫੈਂਡਰ' ਯਾਨੀ ਕਿ 'ਖਤਰਨਾਕ ਅਪਰਾਧੀ' ਕਰਾਰ ਦਿੱਤਾ ਗਿਆ ਸੀ।
ਇਸ ਵਿਅਕਤੀ ਦਾ ਨਾਮ ਮਾਰਟਿਨ ਟ੍ਰੈਂਬਲੇ ਹੈ।
ਇਸ ਨੂੰ ਮਾਰਚ 2010 'ਚ 2 ਟੀਨੇਜਰ ਲੜਕੀਆਂ ਦੀ ਮੌਤ ਦੇ ਮਾਮਲੇ 'ਚ ਦੋਸ਼ੀ ਕਰਾਰ ਦਿੱਤਾ ਗਿਆ ਸੀ।
ਰਿਚਮੰਡ ਦੇ ਇੱਕ ਘਰ 'ਚ ਦੋਨਾਂ ਟੀਨੇਜਰ ਲੜਕੀਆਂ ਨੂੰ ਸ਼ਰਾਬ ਅਤੇ ਡਰੱਗਸ ਦਿੱਤੇ ਗਏ ਸਨ ਅਤੇ ਫਿਰ ਉਨ੍ਹਾਂ 'ਤੇ ਜਿਨਸੀ ਹਮਲਾ ਕੀਤਾ ਗਿਆ ਸੀ।
ਦੱਸਿਆ ਗਿਆ ਸੀ ਕਿ ਉਸ ਨੇ 16 ਸਾਲਾ ਕੈਲਾ ਲਾਲੌਂਦੇ ਅਤੇ 17 ਸਾਲਾ ਮਾਰਥਾ ਜੈਕਸਨ ਨੂੰ ਘਰ ਸੱਦਿਆ ਸੀ।
ਇਸ ਤੋਂ ਬਾਅਦ ਦੋਨਾਂ ਨੂੰ ਡਰੱਗਸ ਅਤੇ ਸ਼ਰਾਬ ਦਾ ਸੇਵਨ ਕਰਵਾਇਆ ਗਿਆ ਅਤੇ ਫਿਰ ਦੋਨਾਂ 'ਤੇ ਜਿਨਸੀ ਹਮਲਾ ਕੀਤਾ ਗਿਆ।
ਦੋਨਾਂ ਲੜਕੀਆਂ ਦੀ ਹਾਲਤ ਵਿਗੜਨ 'ਤੇ ਉਨ੍ਹਾਂ ਨੂੰ ਬਚਾਉਣ ਦੀ ਵੀ ਕੋਸ਼ਿਸ਼ ਨਹੀਂ ਕੀਤੀ ਗਈ।
ਬੀ.ਸੀ. ਕੋਰਟ ਆਫ ਅਪੀਲ ਨੇ ਅੱਜ ਦੇ ਫੈਸਲੇ 'ਚ ਦੱਸਿਆ ਕਿ ਟ੍ਰਾਇਲ ਜੱਜ ਨੇ ਕੋਈ ਗਲਤੀ ਨਹੀਂ ਕੀਤੀ ਸੀ।
ਇਸ ਵਿਅਕਤੀ ਦੀ ਉਮਰ 55 ਸਾਲ ਹੈ ਅਤੇ ਉਸ ਨੇ ਮੰਗ ਕੀਤੀ ਸੀ ਕਿ ਉਸ ਦੀ ਇਨਡਿਟਰਮੀਨੇਟ ਸਜਾ ਨੂੰ ਜੇਲ੍ਹ 'ਚ 20 ਸਾਲ ਅਤੇ ਲੌਂਗ ਟਰਮ ਸੁਪਰਵੀਜ਼ਨ 'ਚ 10 ਸਾਲ 'ਚ ਤਬਦੀਲ ਕੀਤਾ ਜਾਵੇ।
