9.74C Vancouver 9.74C VancouverJan 29, 2021 10:37 PM -
ਬੀ.ਸੀ. ਸੁਪ੍ਰੀਮ ਕੋਰਟ ਦੇ ਇੱਕ ਜੱਜ ਨੇ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ ਜ਼ਮਾਨਤ ਦੀਆਂ ਸ਼ਰਤਾਂ 'ਚ ਢਿੱਲ ਦੇਣ ਦੀ ਅਰਜ਼ੀ ਨੂੰ ਖਾਰਿਜ ਕਰ ਦਿੱਤਾ ਹੈ।
ਵੈਨਕੂਵਰ 'ਚ ਹਾਊਸ ਅਰੈਸਟ 'ਚ ਰੱਖੀ ਗਈ ਮੰਗ ਵੰਜੋ ਦੇ ਵਕੀਲਾਂ ਨੇ ਤਰਕ ਪੇਸ਼ ਕੀਤੇ ਸਨ ਕਿ ਉਨ੍ਹਾਂ ਦੇ ਆਲੇ-ਦੁਆਲੇ ਰਹਿਣ ਵਾਲੇ ਸਿਕਿਉਰਿਟੀ ਕਰਮੀਆਂ ਕਾਰਨ ਉਨ੍ਹਾਂ ਲਈ ਕੋਵਿਡ-19 ਦਾ ਖਤਰਾ ਵਧ ਜਾਂਦਾ ਹੈ।
ਇਸ ਦੇ ਚਲਦਿਆਂ ਸਿਕਿਉਰਿਟੀ ਨੂੰ ਹਟਾਉਣ ਜਾਂ ਘਟਾਉਣ ਦੀ ਮੰਗ ਕੀਤੀ ਗਈ ਸੀ।
ਮੰਗ ਵੰਜੋ ਦੇ ਪਤੀ ਨੇ ਕੋਰਟ 'ਚ ਗਵਾਹੀ ਦਿੱਤੀ ਸੀ ਕਿ ਮੰਗ ਵੰਜੋ ਦੀ ਸਿਹਤ ਨਾਲ ਜੁੜੀਆਂ ਕੁਝ ਪ੍ਰੇਸ਼ਾਨੀਆਂ ਹਨ, ਜਿਸ ਕਾਰਨ ਉਨ੍ਹਾਂ ਲਈ ਕੋਵਿਡ-19 ਵੱਡੀ ਸਮੱਸਿਆ ਬਣ ਸਕਦੀ ਹੈ।
ਜਸਟਿਸ ਵਿਲੀਅਮ ਐਰਕ ਨੇ ਕਿਹਾ ਕਿ ਮੰਗ ਵੰਜੋ ਨੂੰ ਕੋਰਟ 'ਚ ਪੇਸ਼ੀ 'ਤੇ ਆਉਣ ਤੋਂ ਇਲਾਵਾ ਹੋਰ ਕਿਸੇ ਵਜ੍ਹਾ ਲਈ ਘਰ ਤੋਂ ਨਹੀਂ ਨਿਕਲਣਾ ਚਾਹੀਦਾ।
ਜੱਜ ਨੇ ਇਹ ਵੀ ਕਿਹਾ ਕਿ ਮੰਗ ਵੰਜੋ ਦੇ ਨਾਲ ਮੌਜੂਦ ਸਿਕਿਉਰਿਟੀ ਗਾਰਡ ਹਮੇਸ਼ਾ ਮਾਸਕ ਪਹਿਨ ਕੇ ਰੱਖਦੇ ਹਨ।
ਯਾਦ ਰਹੇ ਮੰਗ ਵੰਜੋ ਨੂੰ ਦਿਸੰਬਰ 2018 'ਚ ਵੈਨਕੂਵਰ ਹਵਾਈ ਅੱਡੇ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ।
ਮੰਗ ਵੰਜੋ 'ਤੇ ਅਮਰੀਕਾ 'ਚ ਧੋਖਾਧੜੀ ਦੇ ਇਲਜ਼ਾਮ ਹਨ।
