Judicial custody of former minister Bharat Bhushan Ashu extended by 14 days

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅੱਜ ਜੀ-7 ਸੰਮੇਲਨ ਦੀਆਂ ਸਾਈਡਲਾਈਨਸ 'ਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਮੁਲਾਕਾਤ ਹੋਈ।

ਐਡਮਿੰਟਨ ਆਇਲਰਜ਼ ਅਤੇ ਪੈਂਥਰਸ ਅੱਜ ਫਾਈਨਲ ਦੇ 6ਵੇਂ ਮੈਚ ਵਿਚ ਫਲੋਰੀਡਾ ਦੇ ਅਮਰੈਂਟ ਬੈਂਕ ਅਰੇਨਾ ਵਿਚ ਭਿੜਨਗੇ। ਫਲੋਰੀਡਾ ਪੈਂਥਰਸ ਸੀਰੀਜ਼ ਵਿਚ 3-2 ਨਾਲ ਅੱਗੇ ਹਨ ਅਤੇ ਜੇ ਉਹ ਆਇਲਰਜ਼ ਨੂੰ ਇਸ ਮੁਕਾਬਲੇ ਵਿਚ ਵੀ ਹਰਾ ਦਿੰਦੇ ਹਨ ਤਾਂ ਇਹ ਪੈਂਥਰਸ ਦਾ ਲਗਾਤਾਰ ਦੂਜੇ ਸਾਲ ਸਟੈਨਲੇ ਕੱਪ 'ਤੇ ਕਬਜ਼ਾ ਹੋਵੇਗਾ।

ਲੈਥਬ੍ਰਿਜ ਪੁਲਿਸ ਮੁਖੀ 'ਤੇ ਕੋਰੋਨਾ ਨਿਯਮਾਂ ਦੀ ਉਲੰਘਣਾ ਵਾਲੀ ਸ਼ਿਕਾਇਤ ਰੱਦ ਕਰ ਦਿੱਤੀ ਗਈ ਹੈ। ਦੋਸ਼ ਹੈ ਕਿ ਉਸ ਨੇ ਕੋਰੋਨਾ ਦੌਰਾਨ ਲਾਗੂ ਸਿਹਤ ਹਿਦਾਇਤਾਂ ਦੀ ਉਲੰਘਣਾ ਕੀਤੀ ਸੀ। ਸਿਟੀ ਦੇ ਸਾਬਕਾ ਡਿਪਟੀ ਚੀਫ਼ ਨੇ ਦੋਸ਼ ਲਾਇਆ ਸੀ ਕਿ ਮਾਰਚ 2021 ਵਿਚ ਚੀਫ਼ ਸ਼ਾਹੀਨ ਮਹਿਦੀਜ਼ਾਦੇਹ ਨੇ ਨਿਯਮਾਂ ਦੀ ਉਲੰਘਣਾ ਕਰਕੇ ਕਿਸੇ ਨੂੰ ਬਾਹਰ ਖਾਣਾ ਖਿਲਾਇਆ ਸੀ।

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਲਈ ਐਲਬਰਟਾ ਵਿਚ ਜ਼ਿਮਨੀ ਚੋਣ ਲੜਨ ਦਾ ਰਸਤਾ ਸਾਫ ਹੋ ਗਿਆ ਹੈ।ਐਮ.ਪੀ. ਡੈਮੀਅਨ ਕੁਰੇਕ ਨੇ ਅਧਿਕਾਰਤ ਤੌਰ 'ਤੇ ਆਪਣੀ ਬੈਟਲ ਰਿਵਰ-ਕਰੋਫੁੱਟ ਸੀਟ ਖਾਲੀ ਕਰ ਦਿੱਤੀ ਹੈ। ਡੈਮੀਅਨ 2019 ਤੋਂ ਇਸ ਸੀਟ ਦੀ ਨੁਮਾਇੰਦਗੀ ਕਰ ਰਹੇ ਸਨ।

ਸਰੀ ਵਿਚ ਦੱਖਣੀ ਏਸ਼ੀਆਈ ਵਪਾਰਕ ਭਾਈਚਾਰੇ ਖਿਲਾਫ ਜਬਰੀ ਵਸੂਲੀ ਦੇ ਵੱਧ ਰਹੇ ਮਾਮਲਿਆਂ ਵਿਚਕਾਰ ਸੂਬਾ ਸਰਕਾਰ ਦੇ ਮੰਤਰੀ ਗੈਰੀ ਬੇਗ ਇਸ ਵੀਕੈਂਡ 'ਤੇ ਸ਼ਹਿਰ ਵਿਚ ਆਯੋਜਿਤ ਪਬਲਿਕ ਸੇਫਟੀ ਫੋਰਮ ਵਿਚ ਆਪਣੀ ਇੱਕ ਟਿੱਪਣੀ ਨੂੰ ਲੈ ਕੇ ਵਿਵਾਦ ਵਿਚ ਘਿਰ ਗਏ ਹਨ। ਬੀਸੀ ਕੰਜ਼ਰਵੇਟਿਵ ਦੀ ਵਿਧਾਇਕ ਏਲੇਨੋਰ ਸਟਰਕੋ ਨੇ ਕਿਹਾ ਕਿ ਇਹ ਸ਼ਰਮਨਾਕ ਹੈ ਕਿ ਪੀੜਤਾਂ ਨਾਲ ਖੜ੍ਹੇ ਹੋਣ ਦੀ ਬਜਾਏ ਬੀਸੀ ਐਨ.ਡੀ.ਪੀ. ਦੇ ਪਬਲਿਕ ਸੇਫਟੀ ਮੰਤਰੀ ਗੈਰੀ ਬੇਗ ਨੇ ਦੱਖਣੀ ਏਸ਼ੀਆਈ ਭਾਈਚਾਰੇ ਨੂੰ ਕ੍ਰਾਈਮ ਬਾਰੇ ਅੱਗੇ ਨਾ ਆਉਣ ਲਈ ਜ਼ਿੰਮੇਵਾਰ ਠਹਿਰਾਇਆ, ਸਟਰਕੋ ਨੇ ਕਿਹਾ ਕਿ ਕਮਿਊਨਿਟੀ ਦੇ ਅੱਗੇ ਨਾ ਆਉਣ ਲਈ ਐਨ.ਡੀ.ਪੀ.-ਲਿਬਰਲ ਦਾ ਕੈਚ-ਅਤੇ-ਰਿਲੀਜ਼ ਸਿਸਟਮ ਜ਼ਿੰਮੇਵਾਰ ਹੈ, ਜਿਸ ਕਾਰਨ ਉਨ੍ਹਾਂ ਨੂੰ ਡਰ ਹੈ ਕਿ ਜ਼ਮਾਨਤ 'ਤੇ ਬਾਹਰ ਆ ਕੇ ਕ੍ਰਿਮੀਨਲ ਬਦਲਾ ਲੈ ਸਕਦੇ ਹਨ। ਸਰੀ-ਕਲੋਵਰਡੇਲ ਦੀ ਐਮ.ਐਲ.ਏ. ਨੇ ਕਿਹਾ ਕਿ ਸਰਕਾਰ ਕਮਿਊਨਿਟੀ ਨੂੰ ਦੋਸ਼ ਦੇਣ ਦੀ ਬਜਾਏ ਆਪਣੀਆਂ ਨੀਤੀਆਂ ਕਾਰਨ ਪੈਦਾ ਹੋਈ ਅਰਾਜਕਤਾ ਦੀ ਜ਼ਿੰਮੇਵਾਰੀ ਲਵੇ ਅਤੇ ਡੇਵਿਡ ਈਬੀ ਅਤੇ ਨਿੱਕੀ ਸ਼ਰਮਾ ਨੂੰ ਫੈਡਰਲ ਸਰਕਾਰ ਕੋਲ ਪਹੁੰਚ ਕਰਕੇ ਬਿੱਲ ਸੀ-75 ਨੂੰ ਰੱਦ ਕਰਨ ਦੀ ਮੰਗ ਕਰਨੀ ਚਾਹੀਦੀ ਹੈ ਅਤੇ ਲੋਕਾਂ ਦੀ ਸੇਫਟੀ ਲਈ ਪੁਲਿਸ ਨੂੰ ਵਧੇਰੇ ਸਾਧਨ ਦੇਣੇ ਚਾਹੀਦੇ ਹਨ।