22.84C Vancouver 22.84C VancouverMar 25, 2021 9:16 AM -
ਭਾਰਤੀ ਕਿਸਾਨ ਯੂਨੀਅਨ (ਬੀਕੇਯੂ) ਦੇ ਪ੍ਰਧਾਨ ਰਾਕੇਸ਼ ਟਿਕੈਤ 'ਤੇ ਦੋ ਮਾਮਲੇ ਦਰਜ ਕੀਤੇ ਗਏ ਹਨ, ਉਹਨਾਂ ਵੱਲੋਂ ਸ਼ਿਵਮੋਗਾ 'ਚ ਦਿੱਤੇ ਭਾਸ਼ਣ ਲਈ, ਕਰਨਾਟਕ ਦੇ ਸ਼ਿਵਮੋਗਾ ਅਤੇ ਹਾਵੇਰੀ ਵਿੱਚ ਇੱਕ-ਇੱਕ ਮਾਮਲਾ ਦਰਜ ਕੀਤਾ ਗਿਆ ਹੈ।
ਸ਼ਨੀਵਾਰ ਨੂੰ ਕਿਸਾਨਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਟਿਕੈਤ ਨੇ ਆਖਿਆ ਸੀ ਕਿ ਕਰਨਾਟਕ ਦੇ ਕਿਸਾਨਾਂ ਨੂੰ ਵੀ ਸੂਬੇ ਵਿੱਚ ਦਿੱਲੀ ਦੇ ਧਰਨੇ ਵਾਂਙ ਹੀ ਬੈਂਗਲੁਰੂ ਨੂੰ ਸਾਰੇ ਪਾਸਿਓਂ ਘੇਰਨਾ ਚਾਹੀਦਾ ਹੈ।
"ਤੁਹਾਨੂੰ ਬੈਂਗਲੁਰੂ ਨੂੰ 'ਦਿੱਲੀ' ਬਣਾਉਣ ਦੀ ਲੋੜ ਹੈ| ਤੁਹਾਨੂੰ (ਦਿੱਲੀ ਦੀ ਤਰਾਂ) ਬੈਂਗਲੁਰੂ ਨੂੰ ਸਾਰੇ ਪਾਸਿਓਂ ਘੇਰਨ ਦੀ ਲੋੜ ਹੈ ਅਤੇ ਲੋਕ ਤੁਹਾਡੇ ਕੋਲ ਆਉਣਗੇ 'ਤੇ ਤੁਹਾਡੇ ਵਿਰੋਧ ਪ੍ਰਦਰਸ਼ਨ ਨਾਲ ਜੁੜਨਗੇ... ਪ੍ਰਧਾਨ ਮੰਤਰੀ ਨੇ ਆਖਿਆ ਹੈ ਕਿ ਕਿਸਾਨ ਆਪਣੀ ਫ਼ਸਲ ਕੀਤੇ ਵੀ ਵੇਚ ਸਕਦੇ ਹਨ, ਇਸਲਈ ਤੁਹਾਨੂੰ ਆਪਣੀ ਫ਼ਸਲ ਜ਼ਿਲਾ ਕਲੈਕਟਰ, ਐੱਸਡੀਐੱਮ ਦੇ ਦਫ਼ਤਰਾਂ 'ਚ ਲਿਜਾਣੀ ਚਾਹੀਦੀ ਹੈ ਅਤੇ ਜੇ ਤੁਹਾਨੂੰ ਪੁਲਿਸ ਰੋਕਦੀ ਹੈ ਤਾਂ ਉਹਨਾਂ ਨੂੰ ਐੱਮਐੱਸਪੀ 'ਤੇ ਫ਼ਸਲ ਖਰੀਦਣ ਲਈ ਆਖੋ,"ਟਿਕੈਤ ਨੇ ਆਖਿਆ।
ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਐਚ ਡੀ ਕੁਮਾਰਸ੍ਵਾਮੀ ਨੇ ਸੂਬਾ ਸਰਕਾਰ ਦੀ ਮਾਮਲਾ ਦਰਜ ਕਰਨ 'ਤੇ ਨਿਖੇਧੀ ਕੀਤੀ ਹੈ।
"ਇਹ ਕਿਸਾਨਾਂ ਦੀ ਆਵਾਜ਼ ਨੂੰ ਦੱਬਣ ਦੀਆਂ ਸਰਕਾਰ ਦੀਆਂ ਕੋਸ਼ਿਸ਼ਾਂ ਹਨ| ਕੀ ਇਹ ਮਾਮਲਾ ਸੱਚ-ਮੁੱਚ ਹੀ ਭੜਕਾਊ ਭਾਸ਼ਣ ਦਾ ਹੈ?"ਕੁਮਾਰਸ੍ਵਾਮੀ ਨੇ ਆਖਿਆ।
"ਉਹਨਾਂ ਦੇ ਬਿਆਨਾਂ ਵਿੱਚ ਕੁਝ ਵੀ ਭੜਕਾਊ ਨਹੀਂ ਹੈ। ਇਹ ਨਜ਼ਰੀਏ ਦੀ ਗਲਤੀ ਹੈ। ਕਿਸੇ ਲੜਾਈ ਲਈ ਸੱਦਾ ਦੇਣਾ ਸੰਵਿਧਾਨਿਕ ਹੈ। ਟਿਕੈਤ ਖ਼ਿਲਾਫ਼ ਮਾਮਲੇ ਵਾਪਸ ਲਏ ਜਾਣੇ ਚਾਹੀਦੇ ਹਨ," ਉਹਨਾਂ ਅੱਗੇ ਕਿਹਾ।
ਦੱਸਣਯੋਗ ਹੈ ਕਿ ਬੀਤੇ ਸਾਲ ਨਵੰਬਰ ਤੋਂ ਕਿਸਾਨ ਦਿੱਲੀ ਦੇ ਵੱਖੋ-ਵੱਖ ਬਾਰਡਰਾਂ 'ਤੇ ਭਾਰਤ ਸਰਕਾਰ ਵਲੋਂ ਪਾਸ ਕੀਤੇ ਤਿੰਨ ਨਵੇਂ ਖੇਤੀ ਬਿੱਲਾਂ-ਉਪਜ,ਵਪਾਰ ਅਤੇ ਵਣਜ ਬਿੱਲ(ਤਰੱਕੀ ਅਤੇ ਸਹੂਲਤ), 2020, ਕਿਸਾਨ (ਸਸ਼ਕਤੀਕਰਨ ਅਤੇ ਰੱਖਿਆ) ਸਮਰਥਨ ਮੁੱਲ ਸਮਝੌਤਾ ਅਤੇ ਖੇਤੀ ਸੇਵਾਵਾਂ ਬਿੱਲ,2020 ਅਤੇ ਜ਼ਰੂਰੀ ਵਸਤਾਂ(ਸੋਧ) ਬਿੱਲ,2020 ਦਾ ਵਿਰੋਧ ਕਰ ਰਹੇ ਹਨ।
