ਕੈਟਜ਼ਬਰਗ ਨੇ ਬਣਾਇਆ ਰਿਕਾਰਡ,ਪੁਰਸ਼ਾਂ ਦੇ ਹੈਮਰ-ਥ੍ਰੋ ਵਿਚ ਜਿੱਤਿਆ ਗੋਲਡ ਮੈਡਲ

ਕੈਨੇਡੀਅਨ ਹੈਮਰ ਥ੍ਰੋਅਰ ਈਥਨ ਕੈਟਜ਼ਬਰਗ ਨੇ ਮੰਗਲਵਾਰ ਨੂੰ ਟੋਕੀਓ ਵਿਚ ਪੁਰਸ਼ਾਂ ਦੇ ਹੈਮਰ-ਥ੍ਰੋ ਵਿਚ ਗੋਲਡ ਮੈਡਲ ਹਾਸਲ ਕੀਤਾ ਹੈ।

ਬੀ.ਸੀ. ਦੇ ਨਾਨਾਇਮੋ ਨਾਲ ਸਬੰਧਤ 23 ਸਾਲਾ ਖਿਡਾਰੀ ਕੈਟਜ਼ਬਰਗ ਨੇ ਆਪਣੀ ਦੂਜੀ ਕੋਸ਼ਿਸ਼ ਵਿਚ 84.70 ਮੀਟਰ ਦੀ ਥ੍ਰੋ ਸੁੱਟੀ, ਜਿਸ ਨਾਲ ਉਸ ਨੇ 83.63 ਮੀਟਰ ਦਾ ਚੈਂਪੀਅਨਸ਼ਿਪ ਰਿਕਾਰਡ ਅਤੇ 84.38 ਮੀਟਰ ਦਾ ਆਪਣਾ ਕੈਨੇਡੀਅਨ ਰਿਕਾਰਡ ਤੋੜਿਆ ਹੈ। ਇਸ ਸਾਲ ਦੀ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਕੈਨੇਡਾ ਦਾ ਇਹ ਤੀਜਾ ਅਤੇ 24 ਘੰਟੇ ਬਾਅਦ ਇਸ ਗੇਮ ਵਿਚ ਕੈਨੇਡਾ ਦਾ ਦੂਜਾ ਸੋਨ ਤਮਗਾ ਹੈ।

ਬੀਤੇ ਕੱਲ੍ਹ ਕੈਮਰਨ ਰੋਜਰਜ਼ ਨੇ ਮਹਿਲਾਵਾਂ ਦੇ ਹੈਮਰ ਥ੍ਰੋ ਮੁਕਾਬਲੇ ਵਿਚ ਗੋਲਡ ਜਿੱਤਿਆ ਸੀ। ਇਹ ਦੋਵਾਂ ਦਾ ਬੈਕ-ਟੁ-ਬੈਕ ਵਿਸ਼ਵ ਖਿਤਾਬ ਹੈ। ਦੋਵਾਂ ਕੈਨੇਡੀਅਨ ਥ੍ਰੋਅਰਸ ਨੇ ਸਾਲ 2023 ਦੀ ਬੁਡਾਪੈਸਟ ਵਿਖੇ ਹੋਈ ਵਿਸ਼ਵ ਚੈਂਪੀਅਨਸ਼ਿਪ 'ਚ ਵੀ ਗੋਲਡ ਮੈਡਲ ਜਿੱਤੇ ਸਨ।

ਇਸ ਦੇ ਨਾਲ ਹੀ ਦੋਵਾਂ ਨੇ ਬੀਤੇ ਸਾਲ ਦੇ ਪੈਰਿਸ ਓਲੰਪਿਕਸ ਵਿੱਚ ਵੀ ਸੋਨ ਤਗਮੇ ਆਪਣੇ ਨਾਮ ਕੀਤੇ ਸਨ। ਉਥੇ ਹੀ, ਈਵਨ ਡਨਫੀ ਨੇ ਐਤਵਾਰ ਨੂੰ 35-ਕਿਲੋਮੀਟਰ ਰੇਸ ਵਾਕ ਵਿਚ ਸੋਨ ਤਮਗਾ ਜਿੱਤਿਆ ਸੀ। ਦਿਲਚਸਪ ਗੱਲ ਇਹ ਹੈ ਕਿ ਇਹ ਤਿੰਨੋਂ ਖਿਡਾਰੀ ਬੀ. ਸੀ. ਨਾਲ ਸਬੰਧਤ ਹਨ।