ਕੇਜਰੀਵਾਲ ਦੀ ਕੇਂਦਰ ਨੂੰ ਸਿੰਗਾਪੁਰ ਲਈ ਹਵਾਈ ਉਡਾਣਾਂ ਰੱਦ ਕਰਨ ਅਤੇ ਨਵੇਂ ਕੋਵਿਡ ਸਟ੍ਰੇਨ ਲਈ ਬੱਚਿਆਂ ਦੇ ਟੀਕਾਕਰਨ ਨੂੰ ਪਹਿਲ ਦੇਣ ਦੀ ਕੀਤੀ ਬੇਨਤੀ

ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਮੰਗਲਵਾਰ ਨੂੰ ਮੁਲਕ ਵਿੱਚ ਕੋਵਿਡ-19 ਦੀ ਤੀਜੀ ਲਹਿਰ ਵਿਚਾਲੇ, ਜੋ ਕਿ ਕਈ ਸਿਹਤ ਮਾਹਰਾਂ ਮੁਤਾਬਕ ਬੱਚਿਆਂ 'ਤੇ ਅਸਰ ਪਵੇਗੀ, ਦੇ ਦੌਰਾਨ ਆਖਿਆ ਕਿ ਸਿੰਗਾਪੁਰ ਵਿਚਲਾ ਕੋਵਿਡ ਵੇਰੀਐਂਟ ਬੱਚਿਆਂ ਲਈ ਖ਼ਤਰਨਾਕ ਹੈ ਅਤੇ ਇਸ ਨਾਲ ਮੁਲਕ ਵਿੱਚ ਤੀਜੀ ਲਹਿਰ ਵੀ ਆ ਸਕਦੀ ਹੈ।

ਇਸੇ ਸੰਦਰਭ ਵਿੱਚ, ਦਿੱਲੀ ਦੇ ਮੁੱਖ ਮੰਤਰੀ ਨੇ ਕੇਂਦਰ ਸਰਕਾਰ ਨੂੰ ਤੁਰਤ ਪ੍ਰਭਾਵ ਨਾਲ ਸਿੰਗਾਪੁਰ ਲਈ ਹਵਾਈ ਸੇਵਾਵਾਂ ਰੱਦ ਕਰਨ ਅਤੇ ਬੱਚਿਆਂ ਲਈ ਪਹਿਲ ਦੇ ਅਧਾਰ 'ਤੇ ਟਕਿਆਂ 'ਤੇ ਕੰਮ ਕਰਨ ਦੀ ਬੇਨਤੀ ਕੀਤੀ ਹੈ।

ਅੱਜ ਆਪਣੇ ਟਵੀਟ ਵਿੱਚ ਕੇਜਰੀਵਾਲ ਨੇ ਆਖਿਆ,"ਸਿੰਗਾਪੁਰ ਵਿਚਲਾ ਨਵਾਂ ਵੇਰੀਐਂਟ ਬੱਚਿਆਂ ਲਈ
ਖ਼ਤਰਨਾਕ ਕਿਹਾ ਜਾ ਰਿਹਾ ਹੈ ਅਤੇ ਇਹ ਭਾਰਤ ਵਿੱਚ ਤੀਜੀ ਲਹਿਰ ਲੈਕੇ ਆ ਸਕਦਾ ਹੈ।
ਮੇਰੀ ਕੇਂਦਰ ਸਰਕਾਰ ਨੂੰ ਅਪੀਲ ਹੈ:
1 . ਸਿੰਗਾਪੁਰ ਲਈ ਹਵਾਈ ਉਡਾਣਾਂ ਤੁਰਤ ਪ੍ਰਭਾਵ ਨਾਲ ਰੱਦ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ
2 . ਵੈਕਸੀਨ ਦੇ ਵਿਕਲਪ ਬੱਚਿਆਂ ਲਈ ਵੀ ਰੱਖਣ ਦੀ ਪਹਿਲਕਦਮੀ ਕੀਤੀ ਜਾਣੀ ਚਾਹੀਦੀ ਹੈ।"

ਗ਼ੌਰਤਲਬ ਹੈ ਕਿ ਇਸ ਤੋਂ ਪਹਿਲਾ 5 ਮਈ ਨੂੰ ਕੇਂਦਰ ਦੇ ਪ੍ਰਮੁੱਖ ਵਿਗਿਆਨਕ ਸਲਾਹਕਾਰ ਕੇ ਵਿਜੈ ਰਾਘਵਨ ਨੇ ਆਖਿਆ ਸੀ ਕਿ ਕੋਵਿਡ-19 ਦੀ "ਤੀਜੀ ਲਹਿਰ" ਨੂੰ ਰੋਕਿਆ ਨਹੀਂ ਜਾ ਸਕਦਾ।

ਵਿਜੈ ਰਾਘਵਨ ਨੇ ਮੁਲਕ ਵਿੱਚ ਕੋਵਿਡ-19 ਦੇ ਹਾਲਾਤ 'ਤੇ ਮੀਡੀਆ ਨਾਲ ਗੱਲ ਕਰਦਿਆਂ ਆਖਿਆ ਸੀ,"ਇਹ ਵੇਰੀਐਂਟ ਅਸਲ ਸਟ੍ਰੇਨ ਦੀ ਤਰਾਂ ਹੀ ਇਕ-ਦੂਜੇ ਤੱਕ ਪੁੱਜ ਰਹੇ ਹਨ। ਇਸ ਲਈ ਨਵੀਂ ਤਰਾਂ ਦੇ ਸੰਚਾਰ ਮਾਧਿਅਮ ਦੇ ਲੱਛਣ ਹੋਣੇ ਜ਼ਰੂਰੀ ਨਹੀਂ ਹਨ। ਇਹ ਮਨੁੱਖ ਦੇ ਸਰੀਰ ਵਿੱਚ ਇਸ ਤਰਾਂ ਸੰਚਾਰ ਕਰਕੇ ਲਾਗ ਲਾਉਂਦਾ ਹੈ, ਜਿਵੇਂ ਕਿ ਇਹ ਅੰਦਰ ਦਾਖਲ ਹੁੰਦਿਆਂ ਹੀ, ਆਪਣੇ ਵਰਗੇ ਅਸਲ ਦੀ ਤਰਾਂ ਹੀ ਹੋਰ ਬਣਾ ਲੈਂਦਾ ਹੈ ਅਤੇ ਇਹ ਸਿਲਸਿਲਾ ਜਾਰੀ ਰਹਿੰਦਾ ਹੈ।"

ਪ੍ਰਮੁੱਖ ਵਿਗਿਆਨਕ ਸਲਾਹਕਰ ਨੇ ਅੱਗੇ ਆਖਿਆ,"ਤੀਜੀ ਲਹਿਰ ਆਵੇਗੀ ਹੀ, ਜਿਸ ਦੌਰਾਨ ਵਾਇਰਸ ਉੱਚ ਪੱਧਰ 'ਤੇ ਫੈਲੇਗਾ, ਪਰ ਹਲੇ ਇਹ ਨਹੀਂ ਆਖਿਆ ਜਾ ਸਕਦਾ ਕਿ ਇਹ ਤੀਜੀ ਲਹਿਰ ਕਦੋਂ ਆਵੇਗੀ| ਸਾਨੂੰ ਨਵੀਆਂ ਲਹਿਰਾਂ ਲਈ ਤਿਆਰੀ ਕਰਨੀ ਚਾਹੀਦੀ ਹੈ।"

ਇਸ ਤੋਂ ਪਹਿਲਾਂ, 12 ਮਈ ਨੂੰ, ਸਬਜੈਕਟ ਐਕ੍ਸਪਰਟ ਕਮੇਟੀ ਨੇ ਦੂਜੀ ਤੇ ਤੀਜੀ ਲਹਿਰ ਲਈ ਭਾਰਤ ਬਾਇਓਟੈਕ ਦੀ ਕੋਵੈਕਸੀਨ ਦੀ 2 ਤੋਂ 8 ਸਾਲਾਂ ਦੀ ਉਮਰ ਦੇ ਬੱਚਿਆਂ 'ਤੇ ਮਨੁੱਖੀ ਪ੍ਰਯੋਗ ਕਰਨ ਨੂੰ ਸਹਿਮਤੀ ਦਿੱਤੀ ਸੀ।

ਇਸੇ ਦੌਰਾਨ ਭਾਰਤ ਵਿੱਚ ਬੀਤੇ 24 ਘੰਟਿਆਂ 'ਚ ਕੋਰੋਨਾਵਾਇਰਸ ਦੇ ਨਵੇਂ ਮਾਮਲੇ ਘੱਟ ਮਿਲੇ ਨੇ, ਜੋ 2,63,533 ਹਨ ਅਤੇ ਕੋਵਿਡ-19 ਕਰਕੇ ਹੋਣ ਵਾਲੀਆਂ ਮੌਤਾਂ ਦਾ ਅੰਕੜਾ ਹਲੇ ਵੀ ਵਧਦਾ ਜਾ ਰਿਹਾ ਹੈ, ਜੋ ਕਿ 4,329 ਹੈ ਅਤੇ ਇੱਕ ਦਿਨ ਵਿੱਚ ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਸਭ ਤੋਂ ਵੱਧ ਹੈ।

ਕੇਂਦਰੀ ਸਿਹਤ ਮਹਿਕਮੇ ਮੁਤਾਬਕ, ਮੁਲਕ ਵਿੱਚ ਤੰਦਰੁਸਤ ਹੋਣ ਦੇ ਮਾਮਲੇ ਵੀ ਵਧੇ ਹਨ, ਹਸਪਤਾਲਾਂ ਤੋਂ ਠੀਕ ਹੋ ਕੇ ਘਰ ਜਾਣ ਵਾਲੇ ਤਾਜ਼ਾ ਮਾਮਲੇ 4,22,436 ਹਨ।

ਮੁਲਕ ਵਿੱਚ ਕੁਲ ਮਾਮਲੇ 2,52,28,996 ਹਨ, ਜਿਨ੍ਹਾਂ ਵਿੱਚੋਂ 2,15,96,512 ਤੰਦਰੁਸਤ ਹੋ ਚੁੱਕੇ ਹਨ, 33,53,765 ਸਰਗਰਮ ਮਾਮਲੇ ਅਤੇ 2,78,719 ਮੌਤਾਂ ਹੋ ਚੁੱਕੀਆਂ ਹਨ।