ਜੈਸਪਰ ਨੈਸ਼ਨਲ ਪਾਰਕ ’ਚ ਲੱਗੀ ਅੱਗ ਦੇ ਨੁਕਸਾਨ ’ਤੇ ਕਿੰਗ ਚਾਰਲਸ ਅਤੇ ਉਨ੍ਹਾਂ ਦੀ ਪਤਨੀ ਨੇ ਕੀਤਾ ਦੁੱਖ ਦਾ ਪ੍ਰਗਟਾਵਾ

ਐਲਬਰਟਾ ਦੇ ਮਸ਼ਹੂਰ ਟੂਰਿਸਟ ਸਥਾਨ ਜੈਸਪਰ ਨੈਸ਼ਨਲ ਪਾਰਕ ਵਿਚ ਲੱਗੀ ਅੱਗ ਦੇ ਨੁਕਸਾਨ ’ਤੇ ਕਿੰਗ ਚਾਰਲਸ ਅਤੇ ਉਨ੍ਹਾਂ ਦੀ ਪਤਨੀ ਮਹਾਰਾਣੀ ਕੈਮਿਲਾ ਨੇ ਦੁੱਖ ਜਤਾਇਆ ਹੈ। ਉਨ੍ਹਾਂ ਕਿਹਾ ਕਿ ਰੌਕੀ ਪਹਾੜੀ ਟੂਰਿਸਟਸ ਦੀ ਪਸੰਦ ਰਿਹਾ ਹੈ ਅਤੇ ਇਸ ਨੂੰ ਐਲਬਰਟਾ ਦੀ ਜਾਦੂਈ ਥਾਂ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਹਮਦਰਦੀ ਜਤਾਉਂਦੇ ਹੋਏ ਦੱਸਿਆ ਕਿ ਇੱਥੇ ਰਹਿਣ ਵਾਲੇ ਲੋਕਾਂ ਨਾਲ ਜੋ ਹੋਇਆ ਬਹੁਤ ਬੁਰਾ ਹੈ ।

ਉਨ੍ਹਾਂ ਇਸ ਅੱਗ ਤੋਂ ਬਚਾਅ ਲਈ ਮੈਦਾਨ ਵਿਚ ਉਤਰੇ ਪਹਿਲੇ ਜਵਾਬ ਦੇਣ ਵਾਲੇ, ਕਮਿਊਨਿਟੀ ਵਲੰਟੀਅਰ ਅਤੇ ਲੀਡਰਜ਼ ਦਾ ਧੰਨਵਾਦ ਕੀਤਾ ਹੈ। ਰਾਇਲ ਪਰਿਵਾਰ 1939 ਵਿਚ ਇੱਥੇ ਘੁੰਮਣ ਆਇਆ ਸੀ ਜਦ ਕਿੰਗ ਜਾਰਜ VI ਅਤੇ ਮਹਾਰਾਣੀ ਐਲਿਜ਼ਾਬੈਥ ਜੈਸਪਰ ਪਾਰਕ ਲੌਜ -ਆਉਟਲੁੱਕ ਕੈਬਿਨ ਵਿਚ ਰਹੇ ਸਨ।

ਇਸ ਦੇ ਬਾਅਦ ਮਹਾਰਾਣੀ ਐਲਿਜ਼ਾਬੈਥ II ਆਪਣੇ ਪਤੀ ਨਾਲ 2005 ਵਿਚ ਇੱਥੇ ਰੁਕੇ ਸਨ। ਦੱਸ ਦਈਏ ਕਿ ਗਰਮ ਮੌਸਮ ਕਾਰਨ ਇੱਥੇ ਜੰਗਲੀ ਅੱਗ ਫਿਰ ਭੜਕਣ ਦੇ ਆਸਾਰ ਹਨ।