ਸਰੀ ਦੇ ਸਟ੍ਰਿਪ ਮਾਲ ਵਿਚ ਲੱਗੀ ਭਿਆਨਕ ਅੱਗ, ਬਾਈਕ ਸਟੋਰ ਨੂੰ ਪੁੱਜਾ ਨੁਕਸਾਨ

ਸਰੀ ਦੇ ਸਟ੍ਰਿਪ ਮਾਲ ਵਿਚ ਸ਼ਨੀਵਾਰ ਸ਼ਾਮ ਭਿਆਨਕ ਅੱਗ ਲੱਗ ਗਈ, ਜਿਸ ਨੂੰ ਕਾਬੂ ਕਰਨ ਲਈ ਕਰੀਬ 1 ਦਰਜਨ ਫਾਇਰ ਟਰੱਕ ਅਤੇ 36 ਫਾਇਰਫਾਈਟਰਜ਼ ਦੀ ਮਦਦ ਲਈ ਗਈ। ਕਰੂ ਮੁਤਾਬਕ ਉਨ੍ਹਾਂ ਨੂੰ ਸ਼ਾਮ ਕਰੀਬ 7.30 ਵਜੇ ਵ੍ਹੇਲੀ ਬੁਲੇਵਾਰਡ ਨੇੜਲੇ 104 ਐਵੇਨਿਊ ਦੇ ਮਾਲ ਦੀ ਅੱਗ ਸਬੰਧੀ ਸੂਚਨਾ ਮਿਲੀ ਸੀ। ਭਿਆਨਕ ਅੱਗ ਕਾਰਨ ਇੱਥੇ ਦੂਜਾ ਅਲਾਰਮ ਵਜਾਇਆ ਗਿਆ ਅਤੇ ਹੋਰ ਮਦਦ ਮੰਗਵਾਈ ਗਈ।

ਰਾਤ ਕਰੀਬ 11 ਵਜੇ ਤੱਕ ਫਾਇਰ ਫਾਈਟਰਜ਼ ਅੱਗ ਨਾਲ ਜੂਝਦੇ ਰਹੇ। ਐਤਵਾਰ ਤੜਕੇ ਕਰੀਬ 1 ਵਜੇ ਅੱਗ ਕਾਬੂ ਹੋ ਸਕੀ। ਇਸ ਕਾਰਨ ਬਹੁਤ ਸਾਰੇ ਕਾਰੋਬਾਰ ਨੁਕਸਾਨੇ ਗਏ। ਇੱਥੇ ਬਹੁਤ ਸਾਰੇ ਈਵੀ ਸਕੂਟਰ ਸਟੋਰ ਅਤੇ ਕਰਿਆਨੇ ਦੇ ਸਟੋਰ ਹਨ।

ਔਫੀਸਰਜ਼ ਮੁਤਾਬਕ ਈ-ਬਾਈਕ ਵਾਲੀ ਦੁਕਾਨ ਈ.ਵੀ. ਰੈਵੂਲੇਸ਼ਨ ਨੂੰ ਇਸ ਕਾਰਨ ਜ਼ਿਆਦਾ ਨੁਕਸਾਨ ਪੁੱਜਾ ਹੈ। ਉਨ੍ਹਾਂ ਕਿਹਾ ਕਿ ਈ-ਬਾਈਕ ਕਾਰਨ ਅੱਗ ਨਹੀਂ ਲੱਗੀ, ਇੱਥੇ ਪੁਰਾਣੇ ਇਲੈਕਟ੍ਰੀਕਲ ਸਿਸਟਮ ਕਾਰਨ ਅੱਗ ਲੱਗੀ। ਇਸ ਦੌਰਾਨ ਕਿਸੇ ਦੇ ਵੀ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।