15.56C Vancouver 15.56C VancouverMar 15, 2021 8:32 PM -
ਵੁਆਵੇ ਦੀ ਐਗਜ਼ੀਕਿਊਟਿਵ ਮੰਗ ਵੰਜੋ ਦੇ ਵਕੀਲ ਨੇ ਅੱਜ ਐਕਸਟ੍ਰਾਡਿਸ਼ਨ ਮਾਮਲੇ 'ਚ ਨਵੇਂ ਸਬੂਤ ਲਏ ਜਾਣ ਦੀ ਮੰਗ ਕੀਤੀ ਹੈ।
ਫਰੈਂਕ ਅਡਾਰੀਓ ਨੇ ਕਿਹਾ ਕਿ ਜੇਕਰ ਕਰਾਊਨ ਇਹ ਦਲੀਲ ਦੇਣ ਨੂੰ ਤਿਆਰ ਹੈ ਕਿ ਜਿਸ ਬੈਂਕ ਨਾਲ ਮੰਗ ਵੰਜੋ ਨੂੰ ਜੋੜ ਕੇ ਸਵਾਲ ਖੜੇ ਕੀਤੇ ਜਾ ਰਹੇ ਹਨ, ਉਨ੍ਹਾਂ ਨੂੰ ਮੰਗ ਵੰਜੋ ਦੇ ਕਥਿਤ ਐਕਸ਼ਨਸ ਕਾਰਨ ਲੋਨਸ ਦਾ ਨੁਕਸਾਨ ਹੋ ਸਕਦਾ ਸੀ, ਤਾਂ ਅਜਿਹੇ 'ਚ ਇਸ ਦੇ ਸਬੂਤ ਵੀ ਮੰਗੇ ਜਾਣ।
ਯਾਦ ਰਹੇ ਮੰਗ ਵੰਜੋ 'ਤੇ ਇਲਜ਼ਾਮ ਹਨ ਕਿ ਉਨ੍ਹਾਂ ਨੇ ਐਚ.ਐਸ.ਬੀ.ਸੀ. ਨੂੰ ਸਕਾਈਕੌਮ ਨਾਮ ਦੀ ਕੰਪਨੀ 'ਤੇ ਵੁਆਵੇ ਦੇ ਕੰਟਰੋਲ ਦੀ ਗਲਤ ਜਾਣਕਾਰੀ ਦਿੱਤੀ ਸੀ।
ਇਸ ਨਾਲ ਬੈਂਕ ਲਈ ਇਰਾਨ ਨਾਲ ਸੰਬੰਧਤ ਪਬੰਦੀਆਂ ਦਾ ਉਲੰਘਣ ਕਰਨ ਜਿਹੇ ਹਾਲਾਤ ਬਣ ਗਏ ਸਨ।
ਮੰਗ ਵੰਜੋ ਅਤੇ ਵੁਆਵੇ ਨੇ ਇਹਨਾਂ ਇਲਜ਼ਾਮਾਂ ਨੂੰ ਲਗਾਤਾਰ ਨਕਾਰਿਆ ਹੈ।
ਵਕੀਲ ਦਾ ਕਹਿਣਾ ਹੈ ਕਿ ਅਮਰੀਕਾ ਵੱਲੋਂ ਇਸ ਮਾਮਲੇ 'ਚ ਮੰਗ ਵੰਜੋ ਖਿਲਾਫ਼ ਪੇਸ਼ ਕੀਤੇ ਗਏ ਸਬੂਤ ਭਰੋਸੇਯੋਗ ਨਹੀਂ ਹਨ।
ਉਨ੍ਹਾਂ ਕਿਹਾ ਕਿ ਸਬੂਤਾਂ 'ਚ ਸਾਲ 2017 ਦਾ ਇੱਕ ਲੋਨ ਸ਼ਾਮਿਲ ਕੀਤਾ ਗਿਆ ਹੈ ਜੋ ਐਚ.ਐਸ.ਬੀ.ਸੀ. ਨਾਲ ਸੰਬੰਧਤ ਨਹੀਂ ਸੀ।
