ਕੈਨੇਡਾ ਦੀਆਂ ਫੈਡਰਲ ਚੋਣਾਂ ਦੀ ਡਿਬੇਟ ਵਿਚ ਗ੍ਰੀਨ ਪਾਰਟੀ ਵੀ ਲਵੇਗੀ ਹਿੱਸਾ

ਕੈਨੇਡਾ ਵਿਚ 28 ਅਪ੍ਰੈਲ ਨੂੰ ਫੈਡਰਲ ਚੋਣਾਂ ਦੀ ਵੋਟਿੰਗ ਤੋਂ ਪਹਿਲਾਂ ਪ੍ਰਮੁੱਖ ਪਾਰਟੀਆਂ ਦੇ ਆਗੂਆਂ ਵਿਚਕਾਰ ਹੋਣ ਵਾਲੀ ਡਿਬੇਟ ਵਿਚ ਲਿਬਰਲ, ਕੰਜ਼ਰਵੇਟਿਵ, ਐਨ.ਡੀ.ਪੀ. ਅਤੇ ਬਲਾਕ ਕਿਊਬੈਕਵਾ ਦੇ ਨਾਲ-ਨਾਲ ਗ੍ਰੀਨ ਪਾਰਟੀ ਵੀ ਸ਼ਾਮਲ ਹੋਵੇਗੀ।

ਸਰਕਾਰੀ ਏਜੰਸੀ ਲੀਡਰ ਡਿਬੇਟ ਕਮਿਸ਼ਨ ਦਾ ਕਹਿਣਾ ਹੈ ਕਿ ਗ੍ਰੀਨ ਪਾਰਟੀ ਨੇ 16 ਅਤੇ 17 ਅਪ੍ਰੈਲ ਨੂੰ ਹੋਣ ਵਾਲੀਆਂ ਦੋ ਡਿਬੇਟ ਵਿਚ ਸ਼ਾਮਲ ਹੋਣ ਲਈ ਤਿੰਨ ਜ਼ਰੂਰੀ ਮਾਪਦੰਢਾਂ ਵਿਚੋਂ ਦੋ ਨੂੰ ਪੂਰਾ ਕਰ ਲਿਆ ਹੈ। ਉਥੇ ਹੀ, ਪੀਪਲਜ਼ ਪਾਰਟੀ ਆਫ਼ ਕੈਨੇਡਾ ਇਸ ਲਈ ਕੁਆਲੀਫਾਈ ਨਹੀਂ ਕਰ ਸਕੀ।

ਗੌਰਤਲਬ ਹੈ ਕਿ ਲੀਡਰ ਡਿਬੇਟ ਕਮਿਸ਼ਨ ਵਲੋਂ ਆਗੂਆਂ ਨੂੰ ਆਹਮੋ-ਸਾਹਮਣੇ ਫ੍ਰੈਂਚ ਡਿਬੇਟ ਲਈ 16 ਅਪ੍ਰੈਲ ਨੂੰ ਸੱਦਾ ਦਿੱਤਾ ਜਾਵੇਗਾ ਅਤੇ 17 ਅਪ੍ਰੈਲ ਨੂੰ ਇੰਗਲਿਸ਼ ਡਿਬੇਟ ਹੋਵੇਗੀ। ਇਨ੍ਹਾਂ ਦੋਵੇਂ ਡਿਬੇਟਸ ਦਾ ਆਯੋਜਨ ਮਾਂਟਰੀਅਲ ਵਿਚ ਹੋਵੇਗਾ।